19:38
Vev Ottama Foundation
ဒဏ်ရာရသူများအား ကယ်ဆယ်ပုံကိုလည်း လေ့ကျင့်ခန်းတွင် တွေ့ရသည် (ဓာတ်ပုံ - ဧရာဝတီ)
မဲဆောက်မြို့ နရေးစွမ် အားအစားကွင်းအတွင်း ထိုင်းနိုင်ငံ ပြည်တွင်း လုံခြုံရေးဌာနက စီစဉ်သည့် လေ့ကျင့်မှုတွင် ထိုင်းနှင့် မြန်မာနိုင်ငံသား ၅၀၀ ခန့်ကို မဲဆောက်အခြေစိုက် လူမှုကူညီရေးအဖွဲ့အစည်းများ၊ ဌာနဆိုင်ရာများ၊ လုံခြုံရေးတပ်ဖွဲ့များနှင့်အတူ တွေ့ရသည်။
"မြန်မာဘက်မှာ လာမယ့် ပွင့်လင်းရာသီအတွင်း အစိုးရတပ်နဲ့ လူမျိုးစုတပ်တွေ တိုက်ပွဲဖြစ်နိုင်တဲ့ အနေအထားတွေ ရှိတယ်။ မနှစ်က ဆိုရင် မြ၀တီတိုက်ပွဲကြောင့် မြန်မာဘက်က စစ်ပြေးဒုက္ခသည် နှစ်သောင်းကျော် ထိုင်းဘက်ကို ရောက်လာတာတွေ ရှိတယ်။ အန္တရာယ်တွေကို ကြိုတင် ကာကွယ်နိုင်ဖို့ ဒီလေ့ကျင့်မှုကို လုပ်ရတာပါ" ဟု ပြည်တွင်း လုံခြုံရေးဌာန၏ တာ့ခ်ခရိုင် ဒုတိယ ညွှန်ကြားရေးမှူး ဗိုလ်မှူးကြီး ပတင်ယန်လီလာ့ကျရိန်က သတင်းထောက်များကို ပြောသည်။
လေ့ကျင့်မှုတွင် မြ၀တီမြို့ဘက်မှ ဒေသခံများ ထွက်ပြေးလာပုံကို ပြန်လည်သရုပ်ဖော်မှုလည်း ပါဝင်သည်။
ဤလေ့ကျင့်မှုများက အကျိုးရှိမည်ဟု ဒေသခံတဦးဖြစ်သူ မဲဆောက်၊ မဟာဝမ်ရွာမှ ထိုင်းအမျိုးသမီး ပကျန်ပီက ပြောသည်။
"ဒီပွဲမှာက စစ်ဖြစ်ရင် သိထားရမယ် အခြေအနေတွေကို သိရတော့ ဗဟုသုတတွေရတယ်။ ဒီလို လုပ်ရကောင်းမှန်း မသိလို့ မနှစ်က တိုက်ပွဲဖြစ်တုန်းက အဒေါ်တို့ဆီက လူတယောက် လက်နက်ကြီး ထိလို့ ခြေထောက်တဖက် ဖြတ်လိုက်ရတယ်" ဟု သူက ဧရာဝတီကို ရှင်းပြသည်။
ဤအတောအတွင်း ကရင်ပြည်နယ်အတွင်း တိုက်ပွဲငယ်များ အဆက်မပြတ် ဖြစ်ပွားနေပြီး လာမည့် ပွင့်လင်းရာသီတွင် မြို့တွင်းတိုက်ပွဲများ ပေါ်ပေါက်လာမည်ဟု တိုင်းရင်းသား လက်နက်ကိုင်အဖွဲ့တခုက ယနေ့ ပြောလိုက်သည်။
စစ်ဘေးအန္တရာယ် အရေးပေါ် ရှောင်ရှားနည်းလေ့ကျင့်မှုတွင် လုံခြုံရေးတပ်ဖွဲ့ဝင်များလည်း ပါဝင်သည် (ဓာတ်ပုံ - ဧရာဝတီ)
"ဒီလ ၁၄ ရက်ရက်နေ့မှာ DKBA တပ်မဟာ ၅ က တပ်မှူး အစည်းအဝေး လုပ်တယ်။ အဓိက ဆုံးဖြတ်တာက လာမယ့် နွေရာသီမှာ ကော့ကရိတ်၊ မြ၀တီ၊ လှိုင်းဘွဲ့ စတဲ့မြို့တွေမှာ မြို့တွင်းတိုက်ပွဲ စစ်ဆင်ရေးတွေ တိုးမြှင့်သွားဖို့ ရှိတယ်" ဟု တိုးတက်သော ဗုဒ္ဓသာသာ ကရင် အမျိုးသား တပ်မတော် DKBA တပ်မဟာ ၅ ၏ စစ်ဆင်ရေးမှူး ဗိုလ်မှူးဆန်းအောင်က ဧရာဝတီကို ပြောသည်။
ယမန်နှစ် နိုဝင်ဘာလ ရွေးကောက်ပွဲကျင်းပနေစဉ် DKBA က မြ၀တီ၊ ဘုရားသုံးဆူ မြို့နယ်တို့ကို ၀င်ရောက် တိုက်ခိုက်ခဲ့သည်။
