နိုင်ငံတော် သမ္မတ ဂွမြို့သို့ လာရောက်ပြီး ရေဘေး အကူအညီ ပေးသော်လည်း ဒေသခံများ အကူအညီများစွာ လိုအပ်နေဆဲ

News Date:7/27/2011   

------------
 မောင်ရမ္မာ
 ------------
 ရခိုင်ပြည်နယ် ဂွမြို့နယ်သို့ နိုင်ငံတော် သမ္မတ ဦးသိန်းစိန် ကိုယ်တိုင် ယနေ့ လာရောက်ပြီး ရေဘေး ကူညီရေး ပစ္စည်းများ လာရောက် လှူဒါန်းသွားကြောင်း သတင်း ရရှိသည်။

 လွန်ခဲ့သော အပတ်က မိုးရေကြီးပြီး ရေဘေး ဒဏ်ကို အကြီးအကျယ်ခံခဲ့ရ ဂွ ဒေသခံ ပြည်သူများကို ကူညီ သွားခဲ့သည်ဟု ဂွမြို့ ဒေသခံ တစ်ဦးက ပြောသည်။


" ဒီနေ့ နေ့လည် ၃ နာရီခန့်မှာ နိုင်ငံတော် သမ္မတကြီးနဲ့ ၀န်ကြီးတွေ ဂွမြို့ကို ရဟတ်ယာဉ်နဲ့ လာပြီးတော့ ကူညီရေးပစ္စည်းတွေ ပေးသွားပါတယ်။ သူတို့ ပေးတာကတော့ ဆန်အိတ်တွေ အပါ အ၀င် တယ်လီဖုန်း ၅ လုံးနဲ့ ပိုက် ဆံတွေ လှူဒါန်းသွားခဲ့ပါတယ်။ ပိုက်ဆံတွေကိုတော့ ၀န်ကြီး တဦးဆီက ကျပ်ငွေ ၅ သိန်းစီ လှူဒါန်းသွားခဲ့တာဖြစ် ပါတယ်။"

 နိုင်ငံတော် သမ္မကြီး ဦးသိန်းစိန်နှင့် အတူ ဆောက်လုပ်ရေး ၀န်ကြီး၊ ကျန်းမာရေးဝန်ကြီး အပါအ၀င် စုစုပေါင်း ၀န်ကြီး ၁၂ ဦး အတူ ပါဝင် လိုက်ပါလာခဲ့သည်ဟု သိရသည်။

 ယခုကဲ့သို့ လာရောက် လှူဒါန်းသော်လည်း လုံလောက်မှု မရှိဖြင့် အဆိုပါ ရေဘေးသင့် ဒေသများတွင် လူမှုအဖွဲ့ အစည်းများမှာ ဆက်လက်လှူဒါန်းနေကြသည်ဟု သူက ပြောသည်။

 " ၀န်ကြီးတွေ ပေးတဲ့ပစ္စည်းတွေနဲ့ လုံလောက်မှုမရှိပါဘူး။ ဒါကြောင့်လည်း ဒေသခံတွေနဲ့ NGO တွေ၊ နာရေး ကူညီမှုအသင်းတွေ၊ အရပ်ထဲက လူကြီးလူငယ်တွေပူးပေါင်းပြီးတော့ ဆန်အိပ်တွေ၊ အ၀တ်အထည်တွေ၊ အိုးခွက်တွေ၊ စားသောက်စရာတွေကို ကျွန်တော်တို့ သွားရောက် ကူညီ နေကြရပါတယ်" ဟု သူက ဆက်ပြောသည်။

 အဆိုပါ မိုးရေကြီးမှုကြောင့် ဂွမြို့မှ ၁၃ မိုင်အကွာတွင်ရှိသော ဒေါင်းချောင်းအုပ်စုတွင် အိမ်ခြေ ၁၅ အိမ်ခန့် ရေထဲမျောပါသွားပြီး ပေါက်တူးကျေးရွာတွင် အိမ်ခြေ ၃၂ အိမ်ခန့် ရေထဲပါသွားသည်ဟု သိရသည်။

 ယခုအချိန်ထိ ဂွ-ငသိုင်းချောင်းလမ်းမှာ ကား အသွားအလာ ရပ်နေရသည်ဟု သူက ဆက်ပြောသည်။ "ဂွ- ငသိုင်းချောင်း လမ်းကတော့ ခုထိ ကားသွားလို့မရသေးဘူး။ လမ်းတွေက တောင်ပြိုပြီး မြေတွေ ဖုံးလွှမ်း သွားတယ်။ လမ်းတွေ တော်တော်များ ကျိုးပျက်သွားတယ်။ ခုထိ သွားလာလို့ မရသေးပါဘူး။ ဂွ-သံတွဲလမ်း ကတော့ အခု ကားသွားလာလို့ ရနေပါပြီ။"

 မိုးရေကြီးမှုဒဏ် ဆိုးရွားစွာခံခဲ့ရသော ဒေသများတွင် မူလတန်းကျောင်းပေါင်း ၁၅ ကျောင်းခန့် ပျက်စီးသွားပြီး ယခု အချိန်ထိ ပြန်မဖွင့်နိုင်သေးကြောင်း သိရသည်။

 " ကျောင်း ၁၅ ကျောင်းလောက်ကတော့ ကျောင်းမတတ်နိုင်ကြသေးဘူး။ အခုလောလောဆယ်တော့ ၆ ကျောင်းလောက်ကို ကျောင်းပြန်လည်တက်နိုင်အောင် လုပ်ထားတာတွေ့ရပါတယ်" ဟု အဆိုပါ ဒေသခံက ပြောသည်။

 ရခိုင်ပြည်နယ်အတွင်းတွင် မိုးကြီးမူကြောင့် မြောက်ဦးနဲ့ မြောင်းဘွေအကြား တံတားငယ်များ၊ ကျောက်တော်၊ မြောက်ဦး၊ မင်းပြား၊ ကမ်းနီလမ်းများ၊ ကျောက်ဖြူ-ရန်ကုန်ကားလမ်းလည်း ပျက်စီးသွားခဲ့ရသဖြင့် သယ်ယူပို့ ဆောင်ရေး လုပ်ငန်းများ ရပ်ဆိုင်းသွားကာ မြို့နယ်တိုင်းလိုလိုတွင် ကုန်ဈေးနုန်းများ မြင့်တက်နေသည်ဟု သိရသည်။

 ရခိုင်ပြည်နယ်တွင် ဇူလိုင်လ ၁၉ ရက်နေ့က စပြီး မိုးအဆက်မပြတ်ရွာသွန်းခဲ့ပြီးသောကြောင့် ကျောက်တော်၊ မြောက်ဦး၊ မင်းပြား၊ တောင်ကုတ်၊ သံတွဲနှင့် ဂွမြို့နယ်တို့တွင် စိုက်ပျိုးမြေ ဧက ပေါင်းများစွာ ရေလွမ်းမိုးမှု ကြောင့် ဆုံးရှုံးပျက်စီးသွားခဲ့ရသဖြင့် လာမည့်နှစ်တွင် စပါး အထွက်နှုန်း ကျဆင်းကာ ဆန်စပါး ရှားပါးမှုနှင့် ရင်ဆိုင်ရမည်ကို ပြည်သူများ အထူး စိုးရိမ် နေကြသည်ဟု သတင်းရရှိပါသည်။

Read more »

မြောက်ဦးဘုရားများ ရှေးဟောင်း သုတေသနသို့ မလွှဲဟုဆို

| ဗုဒ္ဓဟူးနေ့၊ ဇူလိုင်လ ၂၇ ရက် ၂၀၁၁ ခုနှစ် ၁၄ နာရီ ၃၅ မိနစ်

  

နယူးဒေလီ (မဇ္ဈိမ) ။        ။ ရခိုင်ပြည်နယ် မြောက်ဦးမြို့ဟောင်းမှ တူးဖော်ရရှိသည့် ဆင်းတုတော်များနှင့် ဌာပနာများကို ရှေးဟောင်း သုတေသန ဦးစီးဌာနသို့ မအပ်ဟု ရတနာ့မာန်အောင် ကျောင်းထိုင်ဆရာတေ် ဦးဝါယမိန္ဒက မိန့်ကြားသွားကြောင်း ဒေသခံများက ပြောသည်။

ယဉ်ကျေးမှုဝန်ကြီးဌာန လက်အောက်ရှိ ရှေးဟောင်းသုတေသနဌာနမှ ပင့်ဆောင်ရန် ကြိုးပမ်းနေမှုကို ကာကွယ် သွားမည် ဖြစ်ကြောင်း ရတနာ့မာန်အောင် ကျောင်းထိုင်ဆရာတော် ဦးဝါယမိန္ဒက ဇူလိုင်လ ၂၅ ရက်နေ့က ပြုလုပ် ခဲ့သည့် တရားပွဲတွင် ဒေသခံများကို မိန့်ကြားခဲ့ခြင်းဖြစ်သည်။

“အရှင်ဘုရားကတော့ လုံးဝမပေးနိုင်တော့ဘူးဆိုပြီး သန္နိဋ္ဌာန်ချထားတာပါ”ဟု တရားပွဲကြားနာခဲ့သူ မြောက်ဦးမြို့ခံ တဦးမှ မဇ္စျိမကို ပြောသည်။

၂ဝ၁၁ မေလ ၃ဝ ရက်နေ့တွင် တူးဖော်ရရှိသည့် အဆိုပါ ဆင်းတုတော်များနှင့် ဌာပနာ ပစ္စည်းများအား ဇူလိုင်လ ၁၇ ရက်နေ့တွင် နိုင်ငံတော် သမ္မတ၏ အမိန့်စာ၊ နေပြည်တော် ယဉ်ကျေးမှု ဒုဝန်ကြီး၏ ညွန်ကြားချက်၊ ပြည်နယ်ဝန်ကြီး အဖွဲ့၏ ညွန်ကြားစာဖြင့် မြောက်ဦးမြို့မှ ရှေးဟောင်း သုတေသနဌာန ဒုညွန်မှူး ကိုယ်တိုင် ဦးစီးပြီး ဌာပနာနှင့် ဘုရားမျာကို ပင့်ဆောင်ရန် ရောက်ရှိလာခဲ့ကြသည်။

သို့သော်လည်း ဒေသခံများက ပင့်ဆောင်ခွင့် မပြုနိုင်ကြောင်း ကန့်ကွက် တားမြစ်ထားသဖြင့် မပင့်ဆောင်နိုင်ဘဲ
ဖြစ်နေသည်။

မြောက်ဦးမြို့ဟောင်း ရတနာသိင်္ခရှိ လောကမဉ္စူစေတီတော် ပြန်လည်ပြုပြင်ရန် တူးဖော်စဉ် ဆင်းတုတော်များ ရရှိကာ လောကမဉ္ဇူ ဆင်းတုတော်မှာ ဉာဏ်တော် ၁၂ လက်မ၊ အလေးချိန် ၄ ပိဿာနှင့် ၆၄ ကျပ်သားရှိပြီး ရွှေဖြင့် သွန်းလောင်းထားသည်။ ယင်းဆင်းတုတော် အပါအဝင် အခြား ဆင်းတုတော် ၃၆ ဆူပါ တူးဖော်ရရှိခဲ့ခြင်း ဖြစ်သည်။

“အရှင်ဘုရားက တရားဟောတဲ့ အထဲမှာ နောက်ထည့်ဟောသွားတာက အစိုးရအသစ်ဟာ အရင်တုန်းကလို မဟုတ်ဘဲ ပြည်သူတွေကို တန်ဖိုးထားရမယ်။ ဒါပေမဲ့ သူတို့က အတင်းလုပ်လာရင်တော့ ဘုရားကို အသက်ပေးပြီး ကာကွယ်သွားမယ်ဆိုပြီး ထည့်ဟောသွားတဲ့ အတွက် တရားနာရောက်လာတဲ့ လူတွေအကုန်လုံး ဝမ်းသာအားရ
ဖြစ်ရပါတယ်” ဟု မြောက်ဦးမြို့ခံ တဦးက ပြောသည်။

တရားပွဲသို့ မြောက်ဦးမြို့ခံများ သာမက ကျောက်တော်၊ မင်းပြား၊ အပေါက်ဝ၊ ပလက်ဝ စသည့်မြို့များမှ ဘုရားဖူး လာရောက် ကြသည့် လူဦးရေ ၂,ဝဝဝ ကျော်ပါ လာရောက်၍ တရားနာယူသွားကြသည်။

Read more »

ဒေါ်အောင်ဆန်းစုကြည်နှင့် အစိုးရဆွေးနွေးပွဲများမှ ရလဒ်ကောင်းများ ရရန်လိုအပ်ဟုဆို

(ဧရာဝတီ) Tuesday, 26 July 2011 18:11

 

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် မြန်မာအစိုးရသစ် ၀န်ကြီးတဦးဖြစ်သူ ဦးအောင်ကြည်တို့၏ ယမန်နေ့က တွေ့ဆုံခဲ့မှုအပေါ် မြန်မာ့နိုင်ငံရေး အသိုင်းအ၀န်းက ကြိုဆိုကြပြီး နောက်ဆက်တွဲ ဆွေးနွေးပွဲများတွင် အချိန်ကာလ သတ်မှတ်ချက်ရှိရှိနှင့် ရလဒ်ကောင်းများဖြစ်ပေါ်ရန် လိုအပ်ကြောင်း ထောက်ပြကြသည်။

ဒေါ်အောင်ဆန်းစုကြည်နှင့် တွေ့ဆုံမှုအပြီး ပူးတွဲကြေညာချက်ကို ဦးအောင်ကြည်က ဖတ်ပြနေစဉ် (ဓာတ်ပုံ - ဧရာဝတီ)

ယမန်နေ့က ဒေါ်အောင်ဆန်းစုကြည်နှင့် ဦးအောင်ကြည်တို့က ဆွေးနွေးပွဲအပြီး ပြုလုပ်သည့် သတင်းစာ ရှင်းလင်းပွဲတွင် တွေ့ဆုံမှုအတွက် ၂ ဦးစလုံးက ကျေနပ်ကြောင်း ပြောကြားခဲ့ပြီး ဆက်လက် တွေ့ဆုံဆွေးနွေးမှုများ လုပ်ဆောင်သွားမည်ဟု ထည့်သွင်း ပြောသွားကြသည်။

“တရားဝင် သတင်းထုတ်ပြန်တာနဲ့ နှစ်ဘက် ပူးတွဲကြေညာချက်ထုတ်တာဟာ အရင်နဲ့ မတူလို့ ထူးခြားပါတယ်။ အာဆီယံအလှည့်ကျ ဥက္ကဋ္ဌဖြစ်ဖို့ ဒေါ်အောင်ဆန်းစုကြည်နဲ့ ဟန်ပြတွေ့ဆုံတယ်ဆိုရင်တော့ မကောင်းဘူး” ဟု ပြည်သူ့ လွှတ်တော် ကိုယ်စားပြု ကော်မတီ (CRPP) ၏ အတွင်းရေးမှူး ဦးအေးသာအောင်က ဧရာဝတီကို ပြောသည်။

အရပ်သား အစိုးရသစ်ဟု ဆိုသော်လည်း ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေဖြင့် ချုပ်ကိုင်မှုများ ရှိနေခြင်း၊ နောက်ကွယ်တွင် ယခင်စစ် ခေါင်းဆောင်များ ကြိုးကိုင်မှုများရှိနိုင်ခြင်း တို့ကြောင့် ယခုဆွေးနွေးပွဲနှင့် ပတ်သက်၍ များစွာ မျှော်လင့်မထားကြောင်း၊ ယမန်နေ့က တွေ့ဆုံစကားပြောမှုကို ကြိုဆိုသော်လည်း အချိန်ကာလ သတ်မှတ်ပြီး ဆက်လက် ဆွေးနွေးသွားရန်လိုကြောင်း ၎င်းက ဆက်ပြောသည်။

ယခင် အမျိုးသားဒီမိုကရေစီအဖွဲ့ချုပ် (NLD) မှ ခွဲထွက်ခဲ့ပြီး ယခု အမျိုးသားဒီမိုကရေစီအင်အားစု (NDF) ၏ ခေါင်းဆောင် တဦးဖြစ်သူ ဦးခင်မောင်ဆွေကမူ ဒေါ်အောင်ဆန်းစုကြည်နှင့် ဦးအောင်ကြည်တို့၏ ယခင်က တွေ့ဆုံမှုများသည် ဟန်ပြမျှသာ ဖြစ်ခဲ့သော်လည်း ယခုကိစ္စသည် တမူထူးခြားနိုင်ပြီး ဆက်လက်တွေ့ဆုံ ဆွေးနွေး ကြမည်ဆိုလျင် ကောင်းမွန်ကြောင်း၊ အားပြိုင်နိုင်ငံရေးမှတဆင့် ပူးပေါင်းနိုင်ငံရေးဆီသို့ ပြောင်းလဲကာ အမျိုးသား ပြန်လည် သင့်မြတ်ရေး ဖြစ်နိုင်ခြေ များစွာ ပေါ်လာနိုင်ကြောင်း ပြောဆိုခဲ့သည်။

“ဒေါ်အောင်ဆန်းစုကြည်လို လူထုခေါင်းဆောင် တယောက်က တရားဥပဒေနဲ့ ယှဉ်ပြီး ပြည်သူလူထုနဲ့ တိုင်းပြည် အတွက် ကောင်းရာကောင်းကျိုးတွေကို ဖန်တီးမယ်ဆိုတဲ့ အမြင်နဲ့ နိုင်ငံရေးရေစီးထဲ ပြန်ဝင်လာတာကို ကျနော်တို့က ကြိုဆိုရုံတင်မကပါဘူး၊ ၀မ်းသာ ၀မ်းမြောက်ဖြစ်ပါတယ်” ဟု ဦးခင်မောင်ဆွေက ပြောသည်။ 

မြန်မာအနေဖြင့် ၂၀၁၄ ခုနှစ် အာဆီယံအလှည့်ကျ ဥက္ကဋ္ဌ ရာထူးအတွက် ထိုက်တန်ကြောင်း၊ နိုင်ငံရေး အကျဉ်းသား များပါ လွှတ်ပေးပြီး ပိုမိုကျယ်ပြန့်သည့် ဆွေးနွေးပွဲများ လုပ်ဆောင်လျှင် ပို၍သင့်တော် ကောင်းမွန်မည် ဖြစ်ကြောင်း ၎င်းက ဆိုသည်။ 

မကြာသေးမီက ဒေါ်အောင်ဆန်းစုကြည်၏ နယ်ခရီးထွက်မည့် ကိစ္စများအပေါ် မလိုလား အပ်သည့် တိုက်ခိုက်မှုများ ရှိလာနိုင်သည်ဟု နိုင်ငံပိုင်သတင်းစာများတွင် သတိပေး ရေးသားခြင်း၊ NLD ပါတီ၏ လုပ်ဆောင်ချက်များသည် တရားမ၀င်ကြောင်းနှင့် ပါတီအား ပြန်လည်မှတ်ပုံတင်ရန် လိုကြောင်း ဖိအားပေးခြင်း စသည်ဖြင့် အစိုးရဘက်က လုပ်ဆောင်မှုများ ရှိခဲ့သည်။

ထို့ကြောင့် NLD ပါတီကိုယ်စား ဒေါ်အောင်ဆန်းစုကြည်က ၎င်းတို့ပါတီသည် တရားဝင်ကြောင်း၊ မတူကွဲပြားမှုများကို တွေ့ဆုံဆွေးနွေး အဖြေရှာကြရန်လိုကြောင်း ပြန်ကြားစာပေးပို့ခဲ့သည်။

ယမန်နေ့က ဒေါ်အောင်ဆန်းစုကြည်နှင့် ဦးအောင်ကြည်တို့ တွေ့ဆုံချိန်သည် ကချင်ပြည်နယ်၊ ရှမ်းပြည်နယ်၊ ကရင်ပြည်နယ် အစရှိသည့် ဒေသများတွင် တိုင်းရင်းသား လက်နက်ကိုင်အဖွဲ့များနှင့် တိုက်ပွဲများ ဖြစ်နေချိန်နှင့် တိုက်ဆိုင်နေပြီး အဆိုပါ တိုက်ပွဲများနှင့် ပတ်သက်၍ မြန်မာအစိုးရဘက်က ငြိမ်းချမ်းစွာဖြေရှင်းလိုသည့် အရိပ် အယောင် မတွေ့ရသေးပေ။

ဒေါ်အောင်ဆန်းစုကြည်နှင့် ဦးအောင်ကြည်တို့ ပထမဆုံး တွေ့ဆုံသည့် အချိန်သည် ၂၀၀၇ ရွှေဝါရောင် တော်လှန်ရေး အပြီးကာလ နိုင်ငံရေး တင်းမာမှုများ ဖြစ်ပွားနေချိန် ဖြစ်သည်။ ၎င်းတို့ ၉ ကြိမ်တိုင်တိုင် တွေ့ဆုံခဲ့သော်လည်း သိသာ ထင်ရှားသည့် ရလဒ်ကောင်းများ မဖြစ်ထွန်းခဲ့သောကြောင့် ယခု တွေ့ဆုံမှုကို သံသယ ဖြစ်သူ များလည်း ရှိသည်။

“တရားဥပဒေ စိုးမိုးရေး ဆွေးနွေးကြတယ် ဆိုပေမယ့် တကယ်ကတော့ တရားဥပဒေစိုးမိုးရေး မရှိပါဘူး။ စစ်ဗိုလ်ချုပ် တွေဘက်က အလျှော့အတင်းတွေ လုပ်မှာလား၊ ဒေါ်အောင်ဆန်းစုကြည် ကရော ပူးပေါင်းဆောင်ရွက်မှုမှာလား၊ အလျှော့ အတင်းတွေလုပ်မှာလား၊ ကစားကြတာလား၊ ဒါတော့မသိဘူး” ဟု ရခိုင်တိုင်းရင်းသားများ တိုးတက်ရေး ပါတီ (RNDP) အတွင်းရေးမှူး ဦးလှစိုးက ပြောသည်။

ရန်ကုန်မြို့ရှိ ၀ါရင့် စာနယ်ဇင်းသမား တဦးကမူ ၂ ဘက်ပူးတွဲ ကြေညာချက်ထုတ်ပြန်ပြီး ဆက်လက်တွေ့ဆုံ ဆွေးနွေးမည်ဟု ပြောဆိုခြင်းသည် အပေါင်းလက္ခဏာ ဆောင်သည်ဟု သုံးသပ်ပြောဆိုသည်။

တနှစ်လျှင် ၁ ကြိမ်၊ ၂ ကြိမ် တွေ့ရုံမျှနှင့် တိုးတက်ခြင်းဟု မပြောနိုင်ကြောင်း၊ အကယ်၍ ၁ နှစ်လျှင် ၄ ကြိမ်၊ ၅ ကြိမ် တွေ့ဆုံသည်ဆိုလျှင် နိုင်ငံရေးပြဿနာများ ဆွေးနွေးလာနိုင်သည့် အခြေအနေဖြစ်၍ အမှန်တကယ် တိုးတက်သည့် လက္ခဏာ ရှိလာနိုင်ကြောင်း ၎င်းက ဆက်ပြောသည်။

သို့ရာတွင် ထိုင်းနိုင်ငံအခြေစိုက် ဒီမိုကရေစီနှင့် ဖွံ့ဖြိုးတိုးတက်ရေး အင်အားစု၏ ဥက္ကဋ္ဌ ဒေါ်ခင်ဥမ္မာကမူ ဒေါ်အောင်ဆန်းစုကြည်နှင့် အစိုးရ တာဝန်ရှိသူတဦး တွေ့ဆုံခြင်းကို မရိုးသားမှုဟု မြင်ကြောင်း၊ စစ်အစိုးရ အဆက်ဆက် နိုင်ငံတကာ ဖိအားများကို ရှောင်လွှဲရန်နှင့် အာဆီယံ ဥက္ကဋ္ဌ နေရာရရေးအတွက် ဟန်ပြလုပ်ဆောင်ခြင်းဟုသာ ထင်မြင်ယူဆကြောင်း ပြောသည်။

“သူတို့က နိုင်ငံရေးအရ တရားဝင်မှုကို အရမ်းလိုချင်နေလို့ အခုလို ဟန်ပြ ဒေါ်အောင်ဆန်းစုကြည်နဲ့ တွေ့ပြတာပဲ။ နောက်ရွေးကောက်ပွဲ မတိုင်ခင် ၂၀၁၄ ခုနှစ်မှာ အာဆီယံဥက္ကဋ္ဌ လုပ်လိုက်ခြင်းအားဖြင့် နိုင်ငံတကာရဲ့အသိအမှတ် ပြုခံရတဲ့ တရားဝင်နိုင်ငံရေး အခြေအနေကို ရသွားမှာ” ဟု ဒေါ်ခင်ဥမ္မာက ဆိုသည်။

ယမန်နေ့က တွေ့ဆုံမှုသည် ဒေါ်အောင်ဆန်းစုကြည် အနေဖြင့် အကျဉ်းကျခံရစဉ်၊ အကျယ်ချုပ် ကျခံနေရစဉ် အနေအထား မဟုတ်ဘဲ နိုင်ငံပိုင် သတင်းစာများနှင့် သတင်းမီဒီယာများတွင် မျက်နှာဖုံး သတင်းများအဖြစ် ဓာတ်ပုံများနှင့် တကွ ဝေေ၀ဆာဆာ ဖော်ပြပါရှိသည်ကို တွေ့ရသည်။

Read more »

KNU ကို ရှင်းရန် ထိုင်း ဖိအားပေးခံရ

(ဧရာဝတီ)

Tuesday, 26 July 2011 18:04

ကရင် အမျိုးသား အစည်းအရုံး (KNU) ခေါင်းဆောင်များကို ထိုင်းနိုင်ငံတွင် နေထိုင်ခွင့်မပြုရန် မြန်မာ အစိုးရက ထပ်မံ ဖိအားပေးနေကြောင်း တာ့ခ်ခရိုင် အုပ်ချုပ်ရေးမှူး စမတ်လွိုင်ဖာ့က ဧရာဝတီကို ယနေ့ ပြောသည်။

နယ်စပ်ကုန်သွယ်မှုတွင် အရေးပါသည့် မြ၀တီ-မဲဆောက် တံတားကို မဲဆောက်မြို့ဘက်မှ တွေ့ရပုံ။ တနှစ်ကျော်ကြာ ပိတ်ထားသည့် ဤတံတား ပြန်ဖွင့်ရေးမှာ နယ်စပ်တွင် လှုပ်ရှားနေသော KNU နှင့် ဆက်စပ်နေသည်ဟု ဆိုသည် (ဓာတ်ပုံ - ဧရာဝတီ)

KNU ခေါင်းဆောင် အများအပြား မဲဆောက်မြို့နှင့် အနီးရှိ ဒုက္ခသည် စခန်းများတွင် နေထိုင်လျက်ရှိသည်ဟု  သတင်းရထားကြောင်း၊ ထိုဒေသသို့ ထွက်ပြေး တိမ်းရှောင်နေသည်ဟူသော ဗုံးခွဲအကြမ်းဖက်သူများကိုလည်း ဖမ်းဆီးပေးစေလိုကြောင်း မြန်မာအစိုးရက တောင်းဆိုနေသည်ဟု ဆိုသည်။

“မြန်မာ အစိုးရက  ထိုင်းအစိုးရကို  ဒီကိစ္စတွေ အားလုံး ဖြေရှင်းသွားအောင် ဆောင်ရွက်စေချင်တယ်၊ မဲဆောက် - မြ၀တီ နှစ်နိုင်ငံ ချစ်ကြည်ရေး တံတား ပိတ်လိုက်တာလည်း ဒီကိစ္စနဲ့ ပတ်သက်နေတယ်” ဟု စမတ် လွိုင်ဖာ့က ဆက်ပြောသည်။

ဖိအားပေးသည့်အတိုင်း ထိုင်းအစိုးရ ဆောင်ရွက်ပေးလျှင်  နယ်စပ်ကုန်သွယ်မှုတွင် အရေးပါသည့်  မြ၀တီ မဲဆောက် တံတားကို မြန်မာဘက်က တနှစ်ကျော်ကြာ ပိတ်ထားရာမှ ပြန်ဖွင့်ပေးဖွယ်ရှိသည်ဟု သူက ဆက်ပြောသည်။  

KNU ကမူ ၎င်းတို့ ခေါင်းဆောင်များ ထိုင်းနယ်မြေတွင် အခြေချနေထိုင်ခြင်း မရှိဟု ဆိုသည်။

“ဒုက္ခသည်စခန်းကို ကျနော်တို့က အခြေခံပြီးတော့ အစိုးရစစ်တပ်ကို ပြန်တိုက်စရာ ဘာအကြောင်းမှ မရှိဘူး” ဟု KNU တွဲဖက် အတွင်းရေးမှူး (၁) ဗိုလ်မှူး စောလှငွေက ဧရာဝတီကို ပြောသည်။

ယခင်နှစ်ကလည်း မဲဆောက်မြို့ရှိ KNU ခေါင်းဆောင်တို့ နေထိုင်သည့်ဟု ယူဆရသော နေအိမ်တချို့ကို ထိုင်းအာဏာပိုင်တို့က ရှောင်တခင် ၀င်ရောက်စစ်ဆေးပြီး KNU စစ်ဘက် ထိပ်ပိုင်း ခေါင်းဆောင်များ မြန်မာပြည်ရှိ KNU ထိန်းချုပ်နယ်မြေတွင်သာ အခြေချရန် ဖိအားပေးခဲ့သည်။

ဤအတောအတွင်း မဲဆောက်ဒေသ ထိုင်းအာဏာပိုင်တို့၏ လှုပ်ရှားမှုများမှာ ပုံမှန် အခြေအနေတွင် ရှိနေကြောင်း AAPP ခေါ် နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (မြန်မာနိုင်ငံ) ၏ တွဲဖက် အတွင်းရေးမှူး ကိုဘိုကြည်က ပြောသည်။

မြန်မာပြည်သား အလုပ်သမား သိန်းနှင့်ချီ ရှိသော မဲဆောက်မြို့တွင် မြန်မာအဖွဲ့အစည်းများ လှုပ်ရှားနေသည်ဟု သိရသည်။

Read more »

ယင့်လပ်၏အောင်မြင်မှုကို ဒေါ်အောင်ဆန်းစုကြည် ကြိုဆို

ဧရာဝတီ Tuesday, 05 July 2011 11:29

 

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ထိုင်းနိုင်ငံ ရွေးကောက်ပွဲတွင် အနိုင်ရရှိထားသော မစ္စ ယင့်လပ် ရှင်နာဝပ်၏ ဖုယာ့ထိုင်း ပါတီသည် ဒီမိုကရေစီ နည်းလမ်းအရ အများပြည်သူဆန္ဒဖြင့် ရွေးကောက် တင်မြှောက် ခံလိုက်ရခြင်းကြောင့် အောင်မြင်မှု ရရှိခဲ့သဖြင့် ကြိုဆိုကြောင်း ပြောသည်။

ပုဂံ အာနန္ဒာဘုရားရှေ့တွင် သံဃာတော်များနှင့်အတူ တွေ့ရသည့် ဒေါ်အောင်ဆန်းစုကြည်၊ သားဖြစ်သူ ကိုထိန်လင်းနှင့် NLD အဖွဲ့ဝင်များ (ဓာတ်ပုံ - ဧရာဝတီ)

ယနေ့နံနက်က ပုဂံအာနန္ဒာ ဘုရားဖူးအပြီး သတင်းထောက်များနှင့် တွေ့ဆုံစဉ် သူက အထက်ပါအတိုင်း ပြောဆိုလိုက်ခြင်း ဖြစ်သည်။

ဒေါ်အောင်ဆန်းစုကြည်က ထိုင်းအစိုးရသစ်နှင့် ဆက်ဆံရေး၊ ဆက်သွယ်ရေး ကောင်းမွန်ရန် မျှော်လင့်ပြီး ထိုင်းနိုင်ငံသို့ ရောက်ရှိနေသော မြန်မာဒုက္ခသည်များကို စေတနာ၊ မေတ္တာနှင့် စောင့်ရှောက်ပေးရန် မေတ္တာရပ်ခံကြောင်းလည်း ပြောသည်။

ထိုင်းနိုင်ငံ ရွေးကောက်ပွဲ၌ လက်ရှိ အာဏာရ ဒီမိုကရက် ပါတီက အမတ်နေရာ ၁၆၀ နေရာတွင်သာ အနိုင်ရရှိခဲ့ပြီး အတိုက်အခံ ဖုယာ့ထိုင်း ပါတီက၂၆၂ နေရာရရှိခဲ့သည်။

ထိုင်းနိုင်ငံ၏ ပထမဆုံး အမျိုးသမီးဝန်ကြီးချုပ်ဖြစ်လာမည့် မစ္စ ယင့်လပ် ရှင်နာဝပ်သည် လာဘ်စားမှုဖြင့် ၀ရမ်းထုတ်ခြင်း ခံထားရသည့် ၀န်ကြီးချုပ်ဟောင်း မစ္စတာ သက်ဆင် ရှင်နာဝပ်၏ ညီမ အငယ် ဆုံးဖြစ်သည်။ မစ္စ ယင့်လပ် မှာ မစ္စတာ သက်ဆင်၏ ကိုယ်ပွားတယောက်ဖြစ်သည်ဟုလည်း ထိုင်း နိုင်ငံရေး လောကတွင် နာမည်ကြီးသူ တဦးဖြစ်သည်။

မစ္စ ယင့်လပ်ကဲ့သို့သော အမျိုးသမီးတဦး ယခုကဲ့သို့ အောင်မြင်မှု ရသဖြင့် သဘောကျသည်ဟု ဒေါ်အောင်ဆန်းစုကြည်က ပြောသည်။

ဒေါ်အောင်ဆန်းစုကြည်သည် ယနေ့နံနက်တွင် အာနန္ဒာဘုရား၊ သဗ္ဗေညုဘုရား၊ မြစေတီနှင့် မနူဟာဘုရား တို့ကို သွားရောက်ဖူးမျှော်ခဲ့ပြီး မနူဟာ ဘုရားအရောက်တွင် မြို့ခံများက ဒေါ်အောင်ဆန်းစုကြည်ကို ကြိုဆို နှုတ်ဆက်ခဲ့သည်။

“အန်တီ့ကို မြင်လိုက်ရတာ အရမ်းဝမ်းသာတယ်၊ ငိုလည်းငိုချင်တယ်။ ကွဲနေတာ ကြာလှပြီ။ အန်တီကျန်းမာပါစေ၊ အန်တီ့ကို အရမ်းချစ်ပါတယ်” ဟု မနူဟာဘုရားအနီး ဈေးရောင်းချနေသူ တဦးက ပြောသည်။

နံနက် ၈ နာရီ ၄၀ မိနစ်ခန့်တွင် မနူဟာဘုရားအနီးသို့ ဒေါ်အောင်ဆန်းစုကြည် ရောက်ရှိသွားချိန်၌ ရာချီသော ဒေသခံများက နေထိုင်ရာ ရပ်ကွက်များအတွင်းမှ ပြေးထွက်လာပြီး ကြိုဆိုနှုတ်ဆက်ရာ ဒေါ်အောင်ဆန်းစုကြည်ကလည်း ဒေသခံများကို ပြန်လည် နှုတ်ဆက်သည်။

ဒေါ်အောင်ဆန်းစုကြည်သည် ယမန်နေ့က ပုဂံသို့ ရောက်ရှိခဲ့ပြီး လာမည့် သောကြာနေ့တွင် လေကြောင်းခရီးစဉ်ဖြင့် ရန်ကုန်မြို့သို့ ပြန်လည် ထွက်ခွာမည် ဖြစ်သည်။ ယခု ခရီးစဉ်သည် ၎င်း နေအိမ်အကျယ်ချုပ်မှ ပြန်လွတ်ပြီးသည့် နောက်ပိုင်း ပထမဆုံး ရန်ကုန်ပြင်ပ ခရီးစဉ်ဖြစ်သည်။

Read more »

ထိုင်း ပထမဆုံး အမျိုးသမီးဝန်ကြီးချုပ် မစ္စ ယင့်လပ် ဖြစ်လာမည်

  (ဧရာဝတီ)Monday, 04 July 2011 19:36

 

ထိုင်းနိုင်ငံ၏ တနင်္ဂနွေနေ့က ရွေးကောက်ပွဲတွင် မစ္စ ယင့်လပ် ရှင်နာဝပ် ဦးဆောင်သည့် ဖုယာ့ထိုင်း ပါတီက လက်ရှိ ၀န်ကြီးချုပ် အဖိဆစ် ဝေ့ချာချီဝ၏ ဒီမိုကရက် ပါတီကို မဲအပြတ်အသတ်ဖြင့် အနိုင်ရ၍ ထိုင်းနိုင်ငံ၌ ပထမဆုံး အမျိုးသမီး ၀န်ကြီးချုပ် ဖြစ်လာ တော့မည်။

ဖုယာ့ထိုင်းပါတီ ဌာနချုပ်၌ ပြုလုပ်သည့် သတင်းစာရှင်းလင်းပွဲ ပြီးနောက် မစ္စ ယင့်လပ် က ပြည်သူပရိသတ်အား နှုတ်ဆက်နေစဉ် (ဓာတ်ပုံ - AP)

အဆိုပါ ရွေးကောက်ပွဲ၌ လက်ရှိ အာဏာရ ဒီမိုကရက် ပါတီက အမတ်နေရာ ၁၆၀ နေရာတွင်သာ အနိုင်ရရှိခဲ့ပြီး အတိုက်အခံ ဖုယာ့ထိုင်း ပါတီက၂၆၂  နေရာရရှိခဲ့သည်။

မစ္စ ယင့်လပ် ရှင်နာဝပ်သည် လာဘ်စားမှုဖြင့် ၀ရမ်းထုတ်ခြင်းခံထားရသည့် ၀န်ကြီးချုပ်ဟောင်း မစ္စတာ သက်ဆင် ရှင်နာဝပ်၏ ညီမ အငယ် ဆုံးဖြစ်သည်။ မစ္စ ယင့်လပ် မှာ မစ္စတာ သက်ဆင်၏ ကိုယ်ပွားတယောက်ဖြစ်သည်ဟုလည်း ထိုင်း နိုင်ငံရေးလောကတွင် နာမည်ကြီးသူ တဦးဖြစ်သည်။

ဝန်ကြီးချုပ် အဖိဆစ် ဝေချာချီဝကမူ မစ္စ ယင့်လပ် ရွေးကောက်ပွဲ ၀င်ရောက်ခြင်းသည် တိုင်းပြည်အတွက် အကျိူးပြုရန် မဟုတ်ဘဲ အစ်ကိုဖြစ်သူ မစ္စတာ သက်ဆင် ပြည်တော်ပြန်နိုင်ရေးအတွက် ကြိုးပမ်းနေခြင်းဖြစ်သည်ဟု မဲဆွယ်စည်းရုံးရာတွင် ပြောဆိုခဲ့သည်။

မစ္စ ယင့်လပ်သည် ထိုင်းနိုင်ငံရေး လောကသို့ ၀င်ရောက်ခဲ့သည်မှာ သီတင်း ၆ပတ်သာ ကြာမြင့်သေးသော်လည်း ယခုရွေး ကောက်ပွဲတွင် မဲအပြတ်အသတ်ဖြင့် အနိုင်ရခဲ့သည့်အတွက် အစ်ကိုဖြစ်သူ၏ သြဇာအရှိန်အ၀ါဖြင့် အနိုင်ရခြင်းဖြစ်သည်ဟု ပြောဆိုမှုများလည်း ရှိနေသည်။

ရွေးကောက်ပွဲ အနိုင်ရ ဖူးယာ့ထိုင်း ပါတီသည် ချတ်ထိုင်းပါတီ အပါဝင် ပါတီငယ်လေးခုနှင့် ညွန့်ပေါင်းအစိုးရ ဖွဲ့စည်းမည်ဟု ယနေ့ ထုတ် The Nation သတင်းစာတွင် ဖော်ပြထားပြီး ၀န်ကြီးချုပ် အဖိဆစ် ဝေ့ချာချီဝလည်း ရာထူးမှ နုတ်ထွက်ပေးရမည်ဟု ရေးသား ထားသည်။

မစ္စ ယင့်လပ်က အမျိုးသားပြန်လည် သင့်မြတ်ရေးကို လုပ်ဆောင်ရန် သံန္နိဋ္ဌာန်ချထားကြောင်း ဆန္ဒရှိသည်ဟုလည်း ဖော်ပြထားသည်။

မစ္စတာ သက်ဆင် ၀န်ကြီးချုပ်အဖြစ် တာဝန်ယူစဉ်က အိမ်နီးချင်းနိုင်ငံများနှင့် ဆက်ဆံရေးကောင်းမွန်ခဲ့ပြီး အထူးသဖြင့် မြန်မာ နိုင်ငံ တွင် ထိုစဉ်ကအုပ်ချုပ်ခဲ့သည့် စစ်အစိုးရနှင့်ဆက်ဆံရေးကောင်းမွန်ခဲ့ကာ ဆက်သွယ်ရေးလုပ်ငန်းတွင် ငွေအလုံးအရင်းဖြင့် ရင်းနှီးမြုပ်နှံမှုများ ပြုလုပ်ခဲ့ဖူးသည်။

ထို့အပြင် ဘန်ကောက်မြို့ရှိ မနီလွိုင် ဒုက္ခသည်စခန်းကို ဖျက်သိမ်းကာ မြန်မာဒုက္ခသည်များကို နယ်စပ်ဒေသသို့ ပို့ဆောင်ခဲ့သည့် အ ပြင် တရားမ၀င်ရွှေ့ပြောင်းအလုပ်သမားများကို မှတ်ပုံတင်ပြုလုပ်ပေးခဲ့သည်။

လက်ရှိ ထိုင်းနိုင်ငံတွင်လည်း မြန်မာနိုင်ငံမှ ရွှေ့ပြောင်းအလုပ်သမား၂သန်းမှ ၄သန်းအတွင်း အလုပ်လုပ်ကိုင်နေပြီး နယ်စပ် ဒေသ ရှိ ဒုက္ခသည်စခန်းများတွင်လည်း ဒုက္ခသည် သိန်းနှင့်ချီ ရှိနေသည်။

ထိုင်းနိုင်ငံတွင် လူအခွင့်အရေးများဆောင်ရွက်နေသည့် ဘန်ကောက်မြို့ အခြေစိုက် လူအခွင့်အရေး တိုးတက်ရေးအဖွဲ့ (HRDF) ၏ အကြံပေးပုဂ္ဂိုလ် အန်ဒီဟောက လက်ရှိ အနိုင်ရရှိထားသည့် ဖုယာ့ထိုင်းပါတီသည် ရွှေ့ပြောင်းအလုပ်သမားများနှင့် ပတ်သက်၍ မည်သို့သဘောထားမည်ကို ရှင်းရှင်းလင်းလင်းမသိရသေးကြောင်း ပြောသည်။

“ကျနော်သိရသလောက် ဒီမိုကရက်ပါတီ လက်ထက် အလုပ်သမားတွေက အဆင်မပြေမှုများတယ်လို့ ပြောကြတယ်”ဟု အန်ဒီဟော က ဆိုသည်။

ချင်းမိုင်အခြေစိုက် အမျိုးသမီးများ အဖွဲ့ချုပ်(မြန်မာနိုင်ငံ)မှ အတွင်းရေးမှူး ဒေါ်တင်တင်ညိုက မစ္စ ယင့်လပ် အရွေးချယ်ခံရခြင်းကို ကြိုဆိုကြောင်း၊ ထိုင်းနိုင်ငံတွင် အခြေစိုက်သည့် မြန်မာအတိုက်အခံအဖွဲ့အစည်းများအပေါ်တွင် မည်သို့သဘောထားမည်ကို စောင့်ကြည့် ရမည်ဖြစ်ကြောင်း ပြောဆိုသည်။

Read more »

ဒု သံရုံး တာဝန်ခံ ဦးကျော်ဝင်း နိုင်ငံရေး ခိုလှုံခွင့်တောင်း

 (ဧရာဝတီ)Monday, 04 July 2011 13:25

 

အမေရိကန်နိုင်ငံဆိုင်ရာ မြန်မာသံရုံး ဒုတိယ အကြီးအကဲဖြစ်သည့် ဦးကျော်ဝင်းသည် ဇူလိုင် လ ၄ ရက်နေ့တွင် အမေရိကန် နိုင်ငံ ၌ နိုင်ငံရေးခိုလှုံခွင့် တောင်းခံ လိုက်ကြောင်း ဧရာဝတီက စုံစမ်း သိရှိရသည်။

အမေရိကန်နိုင်ငံဆိုင်ရာ မြန်မာသံရုံး ဒုတိယ အကြီးအကဲ ဦးကျော်ဝင်း (ဓာတ်ပုံ - RFA)

အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန် ထံသို့ ယနေ့ ရက်စွဲဖြင့် ဦးကျော်ဝင်းမှ ပေးပို့သည်ဟု ယုံကြည်ရသော စာတစောင်တွင် ၄င်းအနေဖြင့် မြန်မာနိုင်ငံနှင့် အမေရိကန် နိုင်ငံတို့ကြား ကောင်းမွန်သော ဆက်ဆံရေးတည်ဆောက်နိုင်ရန် အကြံ ပြုစာများကို မြန်မာအစိုးရထံပေးပို့ခဲ့သော်လည်း အမြဲပယ်ချခံရကြောင်း၊ ထိုသို့ ဆောင်ရွက်မှုများကြောင့် ၎င်းတွင် အန္တရာယ်တစုံ တရာ ကြုံလာနိုင်ကြောင်းလည်း ရေးသားထားသည်။

“ကျနော့်နိုင်ငံသားတွေအတွက် တာဝန်ထမ်းဆောင်နေသလို မခံစားရတော့ဘူး။ နိုင်ငံသားတွေအကျိုးကိုဆန့်ကျင် လုပ်ဆောင် နေ တဲ့ အစိုးရကိုအလုပ်အကျွေးပြုခြင်းကနေ ကျနော် စွန့်လွှတ်လိုက်ပါပြီ”ဟု ဦးကျော်ဝင်းက စာထဲတွင် ပြောဆိုထားသည်။

ယင်းစာတွင် စစ်တပ်ထိပ်ပိုင်းခေါင်းဆောင်များက အာဏာကို ဆက်လက်ချုပ်ကိုင်ထားနေကြပြီး ဒီမိုကရေစီရေးတောင်းတသံများကို ပုံဖျက်ရန် ကြိုးစားနေကြောင်း၊ လက်ရှိ ဖြစ်ပေါ်နေသော အစိုးရတပ်နှင့် ကချင် အပါအ၀င် တိုင်းရင်းသား ဒေသများတွင်ဖြစ်ပေါ်နေသော စစ်ပွဲများကိုလည်း ဝေဖန်ထောက်ပြသည်။ 

ထို့အပြင် ယခု ပုဂံတွင် ဘုရားဖူးရောက်ရှိနေသော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ လုံခြုံရေးကို  အစိုးရ က ခြိမ်းခြောက်နေမှုများနှင့်ပတ်သက်၍လည်း သတိပေးထားပြီး ကုလသမဂ္ဂမှ လူ့အခွင့်အရေးဆိုင်ရာ စုံစမ်းစစ်ဆေးရေးအဖွဲ့ ဖွဲ့စည်း(CoI)ရေးကိုလည်း ထောက်ခံကြောင်း ဖော်ပြထားသည်။

အသက် ၅၉ နှစ်ရှိ ဦးကျော်ဝင်းသည် နိုင်ငံခြားရေးဝန်ကြီးဌာနတွင် ၁၉၈၀ ခုနှစ်မှ စတင်ကာ တာဝန် ထမ်းဆောင်ခဲ့ပြီး လုပ်သက် ၃၁ နှစ် ရှိသော်လည်း ယခုအခါ မြန်မာအစိုးရအပေါ် ယုံကြည်မှုလုံးဝမရှိတော့ကြောင်းနှင့် ဒီမိုကရေစီနှင့်ပတ်သက်၍လည်း အရိပ် အယောင်မျှ မရှိကြောင်း၊ အမေရိကန်ပြည်ထောင်စုမှ မြန်မာအစိုးရထိပ်ပိုင်း ခေါင်းဆောင်များအပေါ် စီးပွားရေးဒဏ်ခတ်ပိတ်ဆို့အရေးယူခြင်းကိုထောက်ခံကြောင်းလည်း ၄င်း၏ စာတွင် ရေးသားခဲ့သည်။

“မြန်မာနိုင်ငံမှာ အခုရွေးကောက်ပွဲအပြီး  တက်လာတဲ့ အစိုးရသစ်အပေါ် သူ့ဝန်ထမ်းတွေကစပြီး ယုံကြည်မှု မရှိတော့တာကိုပြသ လိုက်တာပါပဲ”ဟု ကုလသမဂ္ဂ ဆိုင်ရာ ပြည်ထောင်စု မြန်မာနိုင်ငံ အဝေးရောက် ညွန့်ပေါင်းအစိုးရ ကိုယ်စားလှယ် ဒေါက်တာ သောင်း ထွန်းက ဧရာဝတီကို ပြောသည်။

ယခုကဲ့သို့ သံမှူးတဦးအနေဖြင့် ပြည်ပ နိုင်ငံတနိုင်ငံ၌ နိုင်ငံရေးခိုလှုံခွင့်တောင်းခံခြင်းသည် မြန်မာနိုင်ငံတွင် အရပ်သားအစိုးရ တက်လာပြီးနောက်ပိုင်း ပထမဆုံးဖြစ်သည်။

ယခင်စစ်အစိုးရ လက်ထက် အမေရိကန်နိုင်ငံတွင် နိုင်ငံရေးခိုလှုံခဲ့သော အမေရိကန်အခြေစိုက် မြန်မာသံရုံး တာဝန်ခံ သံမှူး ဗိုလ်မှူးဟောင်း ဦးအောင်လင်းထွဋ် ပြီးနောက် ဒုတိယမြောက် နိုင်ငံရေးခိုလှုံခွင့် တောင်းခံခြင်းဖြစ်သည်။

ဦးအောင်လင်းထွဋ်က“သူက မြန်မာနိုင်ငံခြားရေးဝန်ကြီး ဦးဝဏ္ဏမောင်လွင် ဆီကို သူ့သား ၀ါရှင်တန်မှာ နေထိုင်ခွင့်ပြုဖို့ တောင်း တယ်ကြားတယ်။ သူ့ကို ဒီကိစ္စ ဒေါသဖြစ်သွားတယ်ကြားတယ်။ သူ မြန်မာပြည် ပြန်ရင် သူ့အတွက် အန္တရာယ် ရှိနိုင်တယ်။ သူက မြန်မာအစိုးရကိုလည်း စိတ်ပျက်နေပြီ ကျနော်ထင်တယ်”ဟု ပြောဆိုသည်။

Read more »

ဒေါ်အောင်ဆန်းစုကြည် ယနေ့ ပုဂံ ဘုရားများ မဖူးဖြစ်

  (ဧရာဝတီ)Monday, 04 July 2011 11:44

 

ပုဂံမြို့သို့ ရောက်ရှိနေသည့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် ယနေ့ ပြင်ပသို့ ဘုရားဖူး သွားရောက်မည် မဟုတ်ကြောင်း သိရသည်။

ပုဂံသို့ ရောက်ရှိလာသည့် ဒေါ်အောင်ဆန်းစုကြည် (ဓာတ်ပုံ - ဧရာဝတီ)

ဒေါ်အောင်ဆန်းစုကြည်သည် ယနေ့နံနက် ၈နာရီ ၂၀ခန့်က အဲမန္တလေး လေယာဉ်ဖြင့် မန္တလေးတိုင်း ပုဂံ- ညောင်ဦး လေဆိပ်သို့  ရောက်ရှိလာခဲ့ခြင်းဖြစ်ပြီး ခရီးပန်းသည့်အတွက် အနားယူမည်ဖြစ်သည်ဟု လိုက်ပါသွားသည့် အမျိုးသားဒီမိုကရေစီ အဖွဲ့ချုပ် (NLD)အဖွဲ့ဝင် တဦး က ဆိုသည်။

ပုဂံ- ညောင်ဦး ဒေသရှိ သက်ဆိုင်ရာ ဘုရား ဂေါပက အဖွဲ့များအား ဒေါ်အောင်ဆန်းစုကြည်ကို တခမ်းတနား ကြိုဆိုခြင်း၊ အလှူငွေလက်ခံခြင်းများ မပြုလုပ်ရန် ညောင်ဦး ခရိုင် အုပ်ချုပ်ရေးမှူးက တားမြစ်သတိပေးထားသည်ဟု The Voice Weekly ဂျာနယ် အင်တာနက် စာမျက်နှာတွင်လည်း ရေးသားထားသည်။

ဒေါ်အောင်ဆန်းစုကြည် နှင့် အတူ လုံခြုံရေးတာဝန်ယူထားသည့် အဖွဲ့ဝင် ၄ ဦးလိုက်ပါသွားပြီး သားဖြစ်သူ ကိုထိန်လင်းမှာ NLDအဖွဲဝင် လူငယ် ၁၂ ဦးနှင့် ယမန်နေ့ ညနေကပင် ကားဖြင့် ထွက်ခွာခဲ့ခြင်းဖြစ်သည်ဟု NLD အဖွဲ့ဝင် က ပြောသည်။

“လေကြောင်းလိုင်းရော လေဆိပ်ကပါ အားလုံးဂရုစိုက်ကြတယ်၊ အာဏာပိုင်တွေက လုံခြုံရေးလည်း အားလုံး တာဝန်ယူကြတယ်၊ အဖွဲ့ချုပ်ကလည်း အတွင်းစည်းအပြင်စည်း တာဝန်ယူထားတယ်”ဟု ၎င်းက ပြောပြသည်။

ဒေါ်အောင်ဆန်းစုကြည်နှင့် အဖွဲ့သည် ပုဂံမြို့ရှိ Bagan Hotel River View ဟိုတယ်တွင် တည်းခိုကြသည်။

၎ ရက်ကြာမည့် ယခု ပုဂံ ခရီးစဉ်သည် ပြီးခဲ့သည့်နှစ် နိုဝင်ဘာလက နေအိမ်အကျယ်ချုပ်မှ လွတ်မြောက်လာပြီး နောက်ပိုင်း ဒေါ်အောင်ဆန်းစုကြည် ၏ ပထမဆုံး ခရီးစဉ်ဖြစ်သည်။

ပုဂံ ခရီးစဉ်သည် မိသားစု ခရီးစဉ်ဖြစ်သည့်အတွက် စည်းရုံးရေးလုပ်ငန်းများ လုပ်ဆောင်ခြင်း၊ လူထုနှင့် တွေ့ဆုံခြင်းများကို  လုပ်ကိုင်ဦးမည်မဟုတ်ဟုလည်း NLD အဖွဲ့ဝင်က ဆက်လက်ပြောသည်။

ခရီးစဉ်မတိုင်မီ NLD ပါတီ ဥက္ကဋ္ဌ ဦးအောင်ရွှေနှင့် အထွေထွေ အတွင်းရေးမှူး ဒေါ်အောင်ဆန်းစုကြည်ထံ လိပ်မူ၍ NLD ပါတီ၏ ရပ်တည်မှု အနေအထားနှင့်ပတ်သက်၍ မေးခွန်းထုတ်ခဲ့သည့်အပြင် လက်ရှိလုပ်ဆောင်နေသည့် လုပ်ငန်းများရပ်တန့်ပြီး မှတ် ပုံတင်ရန် သတိပေးစာ ပေးပို့ခဲ့သည်ဟု အစိုးရသတင်းစာများ၌ ဖော်ပြထားသည်။

ဒေါ်အောင်ဆန်းစုကြည်သည် ခရီးစဉ်မတိုင်မီ ဇူလိုင်လ၂ ရက်က သြစတြေးလျ နိုင်ငံခြားရေးဝန်ကြီး ကယ်ဗင် ရုဒ် နှင့် တွေ့ဆုံဆွေးနွေးခဲ့သေးသည်။

Read more »