မြ၀တီတံတားအောက် ဗုံးပေါက်ကွဲ အရပ်သား ၂ဦးသေ

Submitted by Karen Information Center on Wednesday, 9 February 2011

ဖေဖော်ဝါရီလ ၉ရက်။ နန်းဖော့ဂေ (ကေအိုင်စီ)

ထိုင်း-မြန်မာနယ်စပ် မြ၀တီမြို့ဘက်ခြမ်းရှိ ချစ်ကြည်ရေးတံတားအောက်နားတွင် ယနေ့ညနေ မြန်မာစံတော်ချိန် ၄နာရီခွဲခန့်၌ ချိန်ကိုက်ဗုံး ပေါက်ကွဲသဖြင့် အရပ်သား ၂ဦး သေဆုံးကာ ၅ဦး ထိခိုက်ဒဏ်ရာရရှိကြောင်း မြို့ခံအမျိုးသမီးတစ်ဦးက ပြော သည်။
သူက “ဗုံးပေါက်ကွဲတာ အတော်ကျယ်တယ်ဆိုတော့ အနီးအနားမှာ နေတဲ့သူတွေ၊ ရုံးတွေက ၀န်ထမ်းတွေတောင် အတော် ထိတ်လန့်သွားတယ်။ အဲဒီမှာ ၂ယောက် သေတယ်။ ၅ယောက် ဒဏ်ရာရတယ်တဲ့။ ပြောသံကြားတာကတော့ ပစ္စည်းထုပ်လို အထုပ်ထဲက ထပေါက်တာပဲတဲ့။”ဟု ကေအိုင်စီကို ပြောသည်။
အခင်းဖြစ်ပွားသည့်နေရာမှာ တံတားညာဘက်ခြမ်း ရွှေတံတားတည်းခိုခန်းအနီးရှိ လက်ဖက်ရည်ဆိုင်ရှေ့မှ ပေါက်ကွဲခြင်းဖြစ် ပြီး ထိုနေရာနှင့် မနီးမဝေးတွင် နယ်ခြားစောင့်တပ်များ လုံခြုံရေးစောင့်လျှက်ရှိသဖြင့် ထိခိုက်သည့်အထဲတွင် နယ်ခြားစောင့် တပ်မှ ဗိုလ်မှူးတဦးနှင့် တပ်သား ၂ဦးလည်း ပါဝင်ကြောင်း မြ၀တီဆေးရုံနှင့် နီးစပ်သူများက ပြောဆိုနေကြသည်။
အမည်မဖော်လိုသူတစ်ဦးက “သေသွားတဲ့နှစ်ယောက်က အရပ်သားပဲ။ လက်ဖက်ရည်ဆိုင်ပိုင်ရှင် အမျိုးသမီးတယောက်နဲ့ အခြား အမျိုးသားတယောက်။ ဒဏ်ရာရတဲ့အထဲမှာ နယ်ခြားစောင့်တပ်က ဗိုလ်မှူးကြည်လင်နဲ့ တပ်သား ၂ယောက်၊ ရဲ ၁ ယောက်နဲ့ အဲဒီအနားက ဖြတ်သွားတဲ့ ဆိုင်ကယ်သမားတယောက် ပါတယ်တဲ့။ အဲဒီဗိုလ်မှူးက မျက်နှာကိုထိတော့ မျက်လုံးနှစ် ဖက်စလုံး ဒဏ်ရာပြင်းတယ်လို့ ပြောတယ်။”ဟု ဆိုသည်။
ယခုပေါက်ကွဲမှုမှာ ဗုံးနှစ်လုံးဖြစ်ပြီး ပထမတလုံး ပေါက်ကွဲချိန်တွင် ထိခိုက်မှုမရှိဘဲ နောက်ထပ် ၅မိနစ်ခန့်အကြာတွင် ထိုနေရာ သို့ နယ်ခြားစောင့်တပ် သွားရောက်ကြည့်ရှုရာမှ ထပ်မံ ပေါက်ကွဲခြင်းဖြစ်ကြောင်း ထိုပေါက်ကွဲမှုကြောင့် အနီးဝန်းကျင်မှ လူ များကို ထိမှန်ခြင်းဖြစ်သည်ဟု နယ်ခြားစောင့်တပ်(၁၀၁၈)မှ တပ်ရင်းမှူး ဗိုလ်မှူးစောမောင်ဝင်းက အတည်ပြု ပြောဆိုသည်။
“ပထမတလုံး ပေါက်တာ ဘယ်သူမှတော့ မထိဘူး။ အဲဒါကို ဗိုလ်ကြည်လင်တို့ သွားကြည့်တဲ့အခါမှာ အထုပ်ထဲက နောက် တလုံး ထပ်ပေါက်ပြီး ၂ယောက်သေသွားတယ်။ ၅ယောက် ဒဏ်ရာရတယ်လေ။ ဗိုလ်ကြည်လင်ကတော့ မျက်နှာကိုထိတော့ အခု သူ့ကို မဲဆောက်ဆေးရုံကို ပို့ထားပါတယ်။”ဟု ကေအိုင်စီကို ပြောသည်။

၎င်းတံတားအောက်တွင် ပြီးခဲ့သည့်နှစ် ရွေးကောက်ပွဲရက်နောက်ပိုင်း ပစ်ခတ်မှုများ ဖြစ်ပွားပြီးကတည်းက ယခုအချိန်ထိ နယ် ခြားစောင့်တပ်များက လုံခြုံရေးစောင့်ကြပ်ပေးနေရပြီး ယခုပေါက်ကွဲမှုမှာ မည်သူ့လက်ချက်ဖြစ်သည်ကို မဖော်ထုတ်နိုင်သေး ပေ။
မြ၀တီမြို့တွင် ယခုလဆန်းပိုင်းမှစ၍ လုံခြုံရေး အခြေအနေကောင်းမည်မဟုတ်ကြောင်း မြို့ခံများအကြား ကောလဟလ ဖြစ် နေသည့်ကြားမှ ယခုလို ဗုံးပေါက်ကွဲမှု ဖြစ်ပွားခြင်းဖြစ်သည်။

Read more »

ALP ရခိုင်ပြည် လွတ်လပ်ရေး လမ်းစဉ် ယတိပြတ် ပြည်သူရှေ့မှောက် ကျေညာပြီ

2/8/2011 (နိရဉ္စရာ)

---------------
မင်းဆက်ခိုင်
---------------
ရခိုင်ပြည် လွတ်မြောက်ရေးပါတီ ALP မှ ခေါင်းဆောင်းများနှင့် မလေးရှားနိုင်ငံရောက် ရခိုင်ပြည်သူများ တွေ့ဆုံပွဲ တရပ်ကို ယခုလ ၆ရက်နေ့က မလေးရှားနိုင်ငံ ကွာလာလမ်ပူမြို့ရှိ Wisma Belia ခန်းမတွင် ကျင်းပရာ ALP ပါတီ၏ ရည်မှန်းချက် ပန်းတိုင်မှာ ရခိုင်ပြည် လွတ်လပ်ရေးသာ ဖြစ်ကြောင်း တရားဝင် ပါတီခေါင်းဆောင်များက ကျေညာပြောကြားခဲ့သည်ဟု သိရသည်။

အဆိုပါ ပြောကြားမူကို တွေ့ဆုံပွဲ အခမ်းအနားသို့ တက်ရောက်လာသူ ပါတီ ဒုဥက္ကဌ ခိုင်မျိုးမင်းနှင့် ပါတီ အထွေအထွေ အတွင်းရေးမှူး စောမြရာဇာလင်းတို့က တက်ရောက်လာသူ ပြည်သူများနှင့် အပြန်အလှန် မေးမြန်းစဉ် ဖြေကြားခဲ့ခြင်း ဖြစ်ကြောင်း ALP(မလေးဌာနခွဲ) အတွင်းရေးမှူး ခိုင်ဇော်မိုးက ပြောသည်။

“ အခုလက်ရှိ တိုင်းရင်းသားပါတီတွေ ဖွဲ့ထားတဲ့ မဟာမိတ် အဖွဲ့ထဲမှာ ALP ပါတီအနေနဲ့ ပါဝင်ခြင်း မရှိတာနဲ့ ပတ်သက် ပြီးတော့ တက်ရောက်လာသူတွေက မေးမြန်းကြပါတယ်။ ကျနော်တို့ရဲ့ ခေါင်းဆောင်တွေက ALP ဟာ ဖက်ဒရယ်နဲ့သွားနေတာ မဟုတ်တဲ့ အကြောင်း၊ ပြီးတော့ ALPဟာ အရင်ကတည်းက NDF ထဲမှာ ပါဝင်ပြီးသား ဖြစ်ပါတယ်။ NDF ထဲမှာ ပါဝင်တယ်ဆိုတာကလည်း တယောက်ကို တယောက် လေးစား ယုံကြည်မှုရှိတယ်။ တယောက်ကိုတယောက် အသိမှတ် ပြုတဲ့ အတွက်ဖြစ်ပါတယ်။ ALP ဟာ ရခိုင်ပြည် လွတ်မြောက်ဖို့နဲ့ ရခိုင့် အချုပ်အချာ အာဏာ ပြန်လည်ရရှိဖို့ အတွက် သွားနေတာဖြစ်တဲ့ အတွက်ကြောင့် ALP အပေါ်မှာ တခြား ဖက်ဒရယ် ထူထောင် လိုတဲ့ တိုင်းရင်းသားပါတီတွေက အသိအမှတ်ပြုရင် ALP ကလည်း အသိမှတ်ပြုပါတယ်။ တကယ်လို့ ALP ကို လက်နက်ကိုင် တပ်မတော်တခုလို့ အသိမှတ်မပြုရင် ALP အနေနဲ့လည်း ပြုမှာ မဟုတ်ဘူး။ ဒါကြောင့် ALP ဟာ မည်သည့် လူမျိုး အဖွဲ့အစည်းကိုမှ အားမကိုးပဲနဲ့ ရခိုင်လူထု အပေါ် အဓိက အခြေခံပြီး အင်အားကြီးထွား လာအောင် တည်ဆောက် ပြီးတော့ ရခိုင်ပြည် လွတ်မြောက်ရေးကို ချီတက် သွားမယ်။ စစ်ရေး မြင့်တင်တဲ့နေရာမှာ ရခိုင်ပြည်သူတွေနဲ့ ပူးပေါင်း ဆောင်ရွက် သွားမယ်ဆိုတဲ့ အကြောင်း တွေကို ပြောခဲ့ပါတယ်။”

၎င်းပြင် သူက “ တက်ရောက်လာတဲ့ ရခိုင်အမျိုးသားတွေကို ကျနော်တို့ရဲ့ ခေါင်းဆောင်တွေက ဖက်ဒရယ်ကို လိုချင်လား လွတ်လပ်ရေး Independence ကို လိုချင် သလားလို့ မေးတဲ့အခါ တက်ရောက် လာသူတွေက Independence ၊ Independence လို့ သုံးကြိမ်သုံးခါ အော်ဟစ် ဖြေကြားခဲ့ကြပါတယ်။”

အဆိုပါ အခမ်းအနားကို မလေးရှားနိုင်ငံတွင် ရောက်နေကြသော ရခိုင် အလုပ်သမား ၅၀၀ ခန့် တက်ရောက်ခဲ့ပြီး ALP ခေါင်းဆောင်းများအား လက်ရှိ မြန်မာနိုင်ငံအရေး၊ ရခိုင်ပြည် အရေးများနှင့် ပတ်သက်ပြီး အပြန်အလှန်မေးမြန်းမှုများ ပြုလုပ်ခဲ့ကြကြောင်း သိရသည်။

ယခုကဲ့သို့ အခမ်းအနားကို မလေးရှားတွင် ကျင်းပ ပြုလုပ်ရခြင်းနှင့် ပတ်သက်ပြီး ခိုင်မိုးဇော်က ယခုကဲ့သို့ ဆက်ပြောသည်။

“ကျွန်နော်တို့ အခုလို ကျင်းပရတာက မလေးရှားရောက် ရခိုင်တွေနဲ့ နိုင်ငံတကာမှာ ရောက်ရှိ နေကြတဲ့ ရခိုင်ပြည်သူတွေ အမျိုးသားရေး စိတ်ဓာတ် ရှင်သန် ထက်မြက် လာဖို့နဲ့ လက်ရှိ မြန်မာ့ နိုင်ငံရေး အခြေအနေနဲ့ နအဖစစ်အုပ်စုက တရာမဝင် ရွေးကောက်ပွဲကြီး ပြုလုပ် သွားခဲ့တာကို ရခိုင်သူ ရခိုင်သားတွေက နားလည်သိရှိဖို့၊ နောက်ပြီးတော့ ရခိုင်ပြည်သူတွေ သူ့ကျွန်ဘဝက လွတ်မြောက်ဖို့အတွက် စစ်ဆင်ရေးတွေ မြှင့်တင်လာတဲ့ အခါ ပြည်သူတွေအနေနဲ့ ဘယ်လို အခန်းကဏ္ဍတွေက အမျိုးသားရေးစစ်ပွဲကို ပါဝင်လာနိုင်ဖို့နဲ့ နောက်တ ချက်က ရခိုင်ပြည် လွတ်မြောက်အတွက် ရခိုင်ပြည်သူ ပြည်သားတွေအားလုံး ပူးပေါင်းပါဝင် လာနိုင်ရန် အတွက် ပြုလုပ်ရခြင်းဖြစ်ပါတယ်။”

အခမ်းအနားကို ALP ပါတီမှ ဒု-ဥက္ကဌ(၂) ခိုင်မျိုးမင်းနှင့် အထွေထွေ အတွင်းရေးမှူး ဒေါ်စောမြရာဇာလင်းတို့ အပြင် မလေးဌာနခွဲမှ တာဝန်ရှိများလည်းတက်ရောက်ခဲ့ကြသည်ဟု သိရသည်။ ယခုကဲ့သို့ တွေ့ဆုံပွဲမျိုးကို ALPပါတီရုံခွဲရှိရာ နိုင်ငံများတွင်လည်း ကျင်းပပြုလုပ်သွားရန် အစီစဉ်များ ရှိကြောင်း ခိုင်ဇော်မိုးက ပြောသည်။

အဆိုပါ တွေ့ဆုံပွဲအခမ်းအနားကို နေ့လည် ၁နာရီတွင် စတင်ခဲ့ပြီး ညနေ ၆နာရီခွဲတွင် ရခိုင့် အလံတော်နှင့် ALP ပါတီ အလံတော်အား ဝှေ့ရမ်းကာ ရခိုင်စစ်ချီတေးကို ဖွင့်လှစ်၍ အဆုံး သတ်ခဲ့ကြကြောင်း သိရသည်။

ရခိုင်ပြည် လွတ်မြောက်ရေး ပါတီကို ၁၉၆၈ ခုနှစ် ပတ်ဝန်းကျင်က ရန်ကုန်တွင် စတင်ဖွဲ့စည်းခဲ့ပြီး ၁၉၇၃-၇၄ ခုနှစ်တွင် ကရင်အမျိုးသားအစည်းအရုံး နယ်မြေတွင် ဥက္ကဌကြီးက ခိုင်မိုးလင်းက ပြန်လည် ထူထောင် ဖွဲ့စည်း ခဲ့သည်။ ၁၉၇၇ ခုနှစ်တွင် ဥက္ကဌကြီး ခိုင်မိုင်းလင်း အာဇာနည်ပီသစွာဖြင့် ချင်းပြည်နယ် တနေရာတွင် ဗမာ စစ်တပ်နှင့် တိုက်ခိုက်စဉ် ကျဆုံးသွားခဲ့ပြီး လက်ရှိ ကျန်နေခဲ့သော ပါတီ ဥက္ကဌ ခိုင်ရဲခိုင်နှင့် ပါတီ ဒုဥက္ကဌ ခိုင်စိုးနိုင်အောင်က ပါတီကို ပြန်လည် ထူထောင်ခဲ့သည်။ ရခိုင်ပြည် လွှတ်မြောက်ရေး ပါတီမှာ ရခိုင့် လွတ်လပ်ရေး အတွက် လက်နက်ကိုင်နေသော ရခိုင်ပြည်မှ အင်အားအကြီးဆုံးနှင့် စည်းလုံးညီညွတ်မူ အတောင့်တင်းဆုံး ပါတီ တရပ် ဖြစ်သည်။

ပါတီ၏ လက်ရှိ ခေါင်းဆောင်များမှာ ဥက္ကဌ ခိုင်ရဲခိုင်၊ ဒုဥက္ကဌ (၁) ခိုင်စိုးနိုင်အောင်၊ ဒုဥက္ကဌ (၂) ခိုင်မျိုးမင်း၊ အထွေထွေ အတွင်းရေးမှူး အောင်မိုးဝေ(ခေါ်) စောမြရာဇာလင်း၊ တွဲဘက်အတွင်းရေးမှူး (၁) ခိုင်ရန်နောင်စိုး၊ တွဲဘက် အတွင်းရေးမှူး (၂) ခိုင်သုခတို့ ဖြစ်ကြသည်။

Read more »

ရှစ်လေးလုံးနေ့ ၂၀ ပြည့်နှစ်တွင် ဆန္ဒပြ၍ ထောင်ကျသူ တောင်ကုတ်မှ လူငယ် ၅ ဦး ပြန်လည် လွှတ်မြှောက်လာ

2/9/2011 (နိရဉ္စရာ သတင်း)

ရခိုင်ပြည်နယ် တောင်ကုတ်မြို့မှ ၂၀၀၈ ခုနှစ် ရှစ်လေးလုံး အရေးတော်ပုံနေ့ နှစ် ၂၀ ပြည့်နေ့တွင် ငြိမ်းချမ်းစွာ ချီတက် ဆန္ဒပြ၍ ဖမ်းဆီးခံရသူ အဖွဲ့ချုပ် အဖွဲ့ဝင် လူငယ် ၅ ဦးမှာ ဖေဖေါ်ဝါရီလ ၇ ရက်နေ့က ဘူးသီးတောင်ထောင်ထဲမှ ပြန်လည် လွှတ်မြောက်လာခဲ့သည်။

လွတ်မြောက်လာသူ လူငယ် ၅ ဦးမှာ ကိုမိုးနေစိုး၊ ကိုသန်းလွှင်၊ ကိုချစ်မောင်မောင်၊ ကိုမောင်မောင်သက်နှင့် မနီနီမေမြင့်တို့ ဖြစ်ကြသည်။

စစ်တွေမှ အဖွဲ့ချုပ် လူငယ် တစ်ဦးက “ သူတို့ ဘူးသီးတောင်ထောင်က ဒီလ ၇ ရက်နေ့မှာ ထောင်သက်တမ်းစေ့တဲ့ အတွက် ပြန်လွတ်လာပါတယ်။ လွှတ်တဲ့နေ့မှာဘဲ စစ်တွေကို ရောက်ပါတယ်။ သူတို့ကို စစ်တွေမှာ အဖွဲ့ချုပ် အဖွဲ့ဝင်တွေက ကြိုဆိုနေရာချထားပါတယ်” ဟု ပြောသည်။

တခြား စစ်တွေက လူငယ် တစ်ဦးကလည်း “ သူတို့နဲက မနေ့က ညနေပိုင်းမှာ စစ်တွေ မြလဘက်ရည်ဆိုင်မှာ ဆုံဖြစ်ပါတယ်။ ကျန်းမာရေးကတော့ ကောင်းပုံရပါတယ်။ ထွေထွေထူးထူး စကားတွေတော့ မပြောဖြစ်ခဲ့ပါဘူး။ သူတို့လည်း ပြောလိုပုံမရပါဘူး” ဟု ပြောသည်။

အဆိုပါ တောင်ကုတ်မြို့မှ လူငယ် ၅ ဦးသည် ၂၀၀၈ ခုနှစ် ရှစ်လေးလုံး (၂၀) ပြည့်နေ့က တောင်ကုတ်မြို့တွင် ငြိမ်းချမ်းစွာ ချီတက်လမ်းလျှောက်ဆန္ဒပြခဲ့သည့်အတွက် တခြားလူငယ် ၄၃ ယောက်နဲ့အတူ ဖမ်းဆီးခံခဲ့ရသည်။

ဖမ်းဆီးခံရပြီးနောက် သူတို့တွင် ၀တ်လာခဲ့သော ရှစ်လေးလုံးနေ့ တီရှပ်များကို တာဝန်ရှိသူများက ကိုယ်ပေါ်မှ ချွတ်ခိုင်းရာ ကျန်လူငယ်များက ချွတ်သော်လည်း သူတို့ ချွတ်ရန် ငြင်းဆိုသဖြင့် ဆက်လက် ဖမ်းဆီးကာ ထောင်ဒဏ်ချမှတ် ခံခဲ့ရခြင်း ဖြစ်သည်။

ဖမ်းဆီးခံရပြီးနောက် သံတွဲထောင်သို့ ပို့ဆောင်ခံရကာ သံတွဲထောင် တရားရုံးက သြဂတ်လ ၁၅ ရက်နေ့တွင် နိုင်ငံတော် အကြည်ညိုပျက်စေမှုပုဒ်မ ၁၄၃ နှင့် ဆူပူလှုံဆော်မှု ၅၀၅ (ခ)ဖြင့် ထောင်ဒဏ် ၂နှစ်ခွဲစီ ချမှတ်ခဲ့သည်။ စက်တင်္ဘာလ ၉ ရက်နေ့တွင် သံတွဲထောင်ထဲတွင် ဆရာတော် ဦးဥတ္တမနေ့တွင် အစာငတ်ခံ ဆန္ဒပြသဖြင့် ဘူးသီးတောင် ထောင် သို့ ပို့ဆောင်ကာ ချုပ်နှောင် ထားခဲ့သည်။

Read more »