January 2011 ~ Ven Ottama Foundation-VOF

Monday 10 January 2011

စစ်မှုမထမ်းမနေရဥပဒေ ပြဋ္ဌာန်းမည် ဆိုသောကြောင့် လူထု စိုးရိမ်

19:24

Vev Ottama Foundation

ဧရာဝတီ Monday, 10 January 2011 17:01

စစ်အစိုးရက စစ်မှုမထမ်းမနေရ ဥပဒေပြဋ္ဌာန်းမည် ဆိုသောသတင်း ပျံ့နှံ့လျက်ရှိရာ မြန်မာပြည်သူများ စိုးရိမ်ပူပန် နေကြကြောင်း သတင်းရရှိသည်။

ဧရာဝတီက ရန်ကုန်မြို့နေ လူတန်းစား အလွှာအသီးသီးမှ လူဦးရေ ၁၀၀ ကို တွေ့ဆုံ မေးမြန်း စစ်တမ်းကောက်ယူခဲ့ရာ လူ ၉၀ က ၎င်းတို့ ကိုယ်တိုင်သော်လည်းကောင်း၊ ၎င်းတို့၏ ဆွေမျိုး၊ သားသမီး များကိုသော် လည်းကောင်း စစ်မှုမထမ်း စေလိုကြောင်း ပြောဆိုခဲ့ကြပြီး ၅ ဦးမှာ အဆိုပါ ဥပဒေကို အားပေးပြီး ကျန် ၅ ဦးက ဖြေဆိုရန် ငြင်းဆန်ခဲ့သည်။

နေပြည်တော်၌ ကျင်းပသော ပြီးခဲ့သည့် ၆၅ နှစ်မြောက် တပ်မတော်နေ့ အခမ်းအနားတွင် စစ်ရေးပြနေသော တပ်မတော် သားများ (Getty Images)

၂၀၁၀ နိုဝင်ဘာ ၄ ရက်နေ့ ရက်စွဲဖြင့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီက အသက် ၁၈ နှစ်မှ ၄၅ နှစ်ကြား အမျိုးသားများနှင့် ၁၈ နှစ်မှ ၃၅ နှစ်အတွင်း အမျိုးသမီးများ စစ်မှုမထမ်းမနေရ ဥပဒေ ပြုစုထားကြောင်း၊ ၎င်း ဥပဒေကို ကိုယ်တိုင်ဖတ်ရှုခဲ့ရသူ တဦးက ပြောသည်ဟု AP သတင်းတွင် ဖော်ပြထားသည်။

အဆိုပါ ဥပဒေအရ အသက် ၁၈ နှစ်ပြည့်သူ နိုင်ငံသားတိုင်း စစ်မှု ၂ နှစ် ထမ်းရမည်ဖြစ်ပြီး စစ်မှုထမ်းကာလ ၅ နှစ်အထိ တိုးမြှင့်နိုင်ကြောင်း၊ စစ်မှုထမ်းရန် မှတ်ပုံမတင်သူ၊ ရှောင်လွှဲသူများ အနေနှင့် ထောင်ဒဏ် ၃ နှစ် သို့မဟုတ် ငွေဒဏ်၊ သို့မဟုတ် ဒဏ်နှစ်ရပ်စလုံး ကျခံရမည်ဖြစ်ကြောင်း၊ စစ်မှုမထမ်းချင်သောကြောင့် မိမိကိုယ်ကိုယ် ကိုယ်လက်အင်္ဂါ ချို့ယွင်းစေရန် လုပ်ဆောင်ပါက ထောင်ဒဏ် ၅ နှစ် ကျခံရမည်ဖြစ်ကြောင်း ပါရှိသည်ဟု သိရသည်။

သာသနာ့ ဝန်ထမ်းများ၊ ခြေလက်အင်္ဂါ ချို့ယွင်း မသန်စွမ်းသူများနှင့် သားသည် မိခင်များမှအပ သတ်မှတ် အသက်အရွယ် အတွင်းရှိ နိုင်ငံသားတိုင်း စစ်မှုထမ်းရမည်၊ ထောင်တွင်းအကျဉ်းကျ ခံနေရသူများနှင့် သက်ကြီးရွယ်အိုများကို စောင့်ရှောက် နေသူများမှာ စစ်မှုထမ်းချိန်ကို ခေတ္တရွှေ့ဆိုင်းနိုင်သော်လည်း နောက်ပိုင်းတွင် ပြန်လည် စစ်မှုထမ်းရမည် ဟုလည်း AP သတင်းတွင် ရေးသားထားသည်။

“ဒီသတင်းစပျံ့ နေတာက တော်တော်ကြာပြီ။ ဒီဇင်ဘာလကုန်လောက် ကတည်းက လူပြော တော်တော်များတယ်။ အင်တာနက်၊ Facebook တွေမှာလည်း ရေးသား ပြောဆိုတာတွေ ရှိတယ်။ ဒီသတင်းထွက်တော့ လူတွေ တော်တော် စိတ်ပူကုန်တယ်။ အဓိက စစ်မှုမထမ်းချင် ကြဘူး” ဟု ရန်ကုန်မြို့ခံ တဦးက ပြောသည်။

ပြည်သူအများစုသည် စစ်တပ်ကို မုန်းတီးနေခြင်းကြောင့် စစ်မှုမထမ်းလိုခြင်းဖြစ်သည်ဆိုသည့် သုံးသပ်မှုများ ရှိသည်။

“လူထုကြားထဲမှာ စစ်တပ်ကို မုန်းတဲ့စိတ်၊ နာကြည်းတဲ့စိတ်က မျိုးဆက်လိုက် လက်ဆင့်ကမ်းလာသလို ဖြစ်နေတယ်။
၈၈ အရေးအခင်း နဲ့ ၂၀၀၇ အရေးအခင်း ကာလ မတရား ရိုက်နှက် ဖမ်းဆီးသတ်ဖြတ်တာတွေ ရှိတော့ စစ်ဗိုလ်ချုပ်တွေကို မုန်းနေတယ်။ စစ်သားမြင် ဆဲချင်နေကြတယ်” ဟု ရန်ကုန်မြို့ခံ ရွှေဆိုင်ပိုင်ရှင် တဦးက ပြောသည်။

အသက် ၁၈ နှစ်အထက် သား ၂ ဦးရှိသော အသက် ၅၀ အရွယ်ရှိ မိခင် တဦးကလည်း သူ၏ သားများကို စစ်မှု ထမ်းခိုင်းမည် မဟုတ်ဟု ပြောသည်။

“သူတို့ဟာသူတို့ ဘယ်လို ဥပဒေပဲ ပြဋ္ဌာန်းပြဋ္ဌာန်း ကျမ သားတွေကိုတော့ စစ်ထဲမပို့နိုင်ဘူး။ ခဏလည်း မပို့ဘူး၊ အမြဲလည်း မပို့ဘူး။ ကျမလိုပဲ မိဘတိုင်းမှာ ဒီလို စိတ်ရှိမှာပဲ။ အမြင်တူတဲ့ မိဘတွေစုပြီး ကန့်ကွက်မယ်။ မရရင် အသေခံ ဆန္ဒပြဖို့ပဲ ရှိတယ်။ ဒါက သားသမီးအရေး ဖြစ်လာပြီ။ ကျမတို့ ရင်ခွင်ထဲက ကလေးတွေကို ဆွဲထုတ်သလို ခံစားရတယ်” ဟု သူက ဆိုသည်။

ရန်ကုန်မြို့ခံ သတင်းထောက် တဦးကမူ စစ်မှုမထမ်းမနေရ ဆိုသော ဥပဒေ အမှန်တကယ် ထုတ်ပြန် ပြဋ္ဌာန်းလျှင် ပြဿနာ များစွာ ဖြစ်ပေါ်လာပြီး နိုင်ငံရေးမတည်ငြိမ်မှုများ ဖြစ်လာနိုင်ကြောင်း ပြောသည်။

“ဒီကိစ္စက လူတွေရဲ့ ဒေါသကို ဆွပေးသလိုဖြစ်လာနိုင်တယ်။ လူတွေရဲ့ အခြေခံစိတ်မှာ စစ်တပ်ဆိုတာ ရက်စက်တယ်၊ ကြမ်းကြုတ်တယ်ဆိုတဲ့ အတွေးက ဖျောက်လို့မရဘူး။ သားသမီးတွေအပေါ် အန္တရာယ် ကျရောက်မှာကို မလိုလားတဲ့ လူကြီး မိဘတွေကလည်း ဒီဥပဒေကို ငြိမ်ခံနေမှာ မဟုတ်ဘူး။ တကယ်ကို ပြဿနာတွေ အကြီးအကျယ် ဖြစ်လာနိုင်ပါတယ်” ဟု ယင်း သတင်းထောက်က ဆိုသည်။

စစ်မှုမထမ်းမနေရ ဥပဒေသည် တပ်မတော်နှင့် ပြည်သူများအကြား နားလည်မှုရစေပြီး စစ်တပ်နှင့် ပြည်သူအများအကြား ပိုမိုနီးကပ်သော ဆက်ဆံရေးကြောင့် ပြည်သူကို အမှန်တကယ်ချစ်သော၊ ပြည်သူ့မျက်နှာကို ကြည့်သော စစ်တပ် ဖြစ်လာနိုင်သည်ဆိုသည့် ထင်မြင်ယူဆချက် တချို့လည်း ရှိသည်။

ရွေးကောက်ပွဲတွင် ရှုံးနိမ့်ခဲ့သော တသီးပုဂ္ဂလ လွှတ်တော်အမတ်လောင်း တဦးက “ပြည်သူတွေ စစ်ရေး နားလည်လာရင် ကျနော်တို့ ဒီမိုကရေစီ ပန်းတိုင်ပိုပြီး နီးလာမယ်။ စစ်မှုမထမ်း မနေရ ဥပဒေကြောင့် ပြည်သူက စစ်သား၊ စစ်တပ်ဆိုတာ ပြည်သူ့တပ်ဆိုတဲ့ ပုံစံ၊ အမြင်မျိုးတွေ ရှိလာမယ်။ အာဏာရှင်တွေ ခိုင်းတဲ့ အတိုင်း လုပ်မယ့် စစ်တပ်မဟုတ်တော့ဘူး” ဟု ပြောသည်။

၂၀၀၈ ခုနှစ် ဖွဲ့စည်းပုံအခြေခံ ဥပဒေ၏ အခန်း ၈၊ နိုင်ငံသားများ၏ မူလအခွင့်အရေးနှင့် တာဝန်များ၊ ပုဒ်မ ၃၈၆ တွင် နိုင်ငံသားတိုင်းသည် ဥပဒေပြဋ္ဌာန်းချက် များနှင့်အညီ စစ်ပညာ သင်ကြားရန်နှင့် တပ်မတော် ကာကွယ်ရေးအတွက် စစ်မှုထမ်းရန် တာဝန်ရှိသည်ဟု ပြဋ္ဌာန်းထားသည်။

“ဖွဲ့စည်းပုံ အခြေခံဥပဒေအရ နိုင်ငံသားတိုင်း စစ်မှုမထမ်းမနေရ ဖြစ်လာမှာက အသေအချာပဲ။ ဒါပေမယ့် လွှတ်တော် ပေါ်ပေါက်လာမှ အတည်ဖြစ်မှာပါ။ သိပ်တော့ စိုးရိမ်ဖို့ မလိုပါဘူး။ တင်းကျပ်လွန်းရင် လူထုကလည်း လက်ခံမှာ မဟုတ်ပါဘူး” ဟု ရန်ကုန်မြို့မှ တရားရုံးချုပ် ရှေ့နေတဦးက ပြောသည်။

စစ်အစိုးရသည် ၂၀၀၈ ဖွဲ့စည်းပုံ အခြေခံဥပဒေကို ပြည်သူလူထု ၉၂. ၄၈ ရာခိုင်နှုန်းက ထောက်ခံမဲပေးခဲ့ကြသည်ဟု ဆိုကာ မြန်မာပြည်တွင်း နာဂစ် ဆိုင်ကလုန်း မုန်တိုင်း တိုက်ခတ်ခဲ့ပြီးချိန် ၂၀၀၈ ခုနှစ် မေလ ၂၉ ရက်နေ့တွင် အတည်ပြု ပြဋ္ဌာန်း ခဲ့သည်။

စစ်မှုမထမ်းမနေရ ဥပဒေ ကျင့်သုံးသော အာရှနိုင်ငံများမှာ စင်ကာပူ၊ ထိုင်ဝမ်၊ တောင်ကိုရီးယား၊ မြောက်ကိုရီးယား တို့ဖြစ်ပြီး ထိုင်းနှင့် တရုတ်နိုင်ငံတို့မှာ လူရွေးစနစ်ဖြင့်ကျင့်သုံးသည်။ အဆိုပါ နိုင်ငံများအားလုံးတွင် အမျိုးသားများသာ စစ်မှုထမ်း ရသည်။

မြန်မာနိုင်ငံတွင် စစ်မှုမထမ်းမနေရ ဥပဒေကို ယခင်က တကြိမ်တခါမှ ပြဋ္ဌာန်းခဲ့ဖူးခြင်း မရှိဘဲ အဆိုပါ ဥပဒေကို မကြာမီ ခေါ်ယူမည့် လွှတ်တော်တွင် အတည်ပြုဖွယ်ရှိသည်။

Read more »

စစ်မှုမထမ်းမနေရ ဥပဒေ မြန်မာစစ်အစိုးရပြဌာန်းတော့မည်

19:22

Vev Ottama Foundation

၁၀ ရက် ဇန်န၀ါရီလ ၂၀၁၁

စစ်မှုမထမ်းမနေရ ဥပဒေကို မြန်မာစစ်အစိုးရက ၂၀၀၈ ဖွဲ့စည်းပုံ အခြေခံဥပဒေမှာ ပြဋ္ဌာန်းခဲ့တာပါ။ မကြာခင် ခေါ်ယူတော့မယ့် လွှတ်တော်ထဲမှာ ဖွဲ့စည်းပုံ အခြေခံဥပဒေကို လက်တွေ့ကျင့်သုံးရမှာ ဖြစ်တယ်လို့ သိရပါတယ်။ ထိုဥပဒေအရ အမျိုးသမီးတွေက အသက် ၁၈ နှစ်နဲ့ ၃၅ နှစ်ကြား၊ အမျိုးသားတွေက အသက် ၁၈ နှစ်နဲ့ ၄၅ နှစ်ကြား အရွယ်ရောက်သူတိုင်း စစ်မှုထမ်းရမှာ ဖြစ်ပါတယ်။ စစ်မှုထမ်း သက်တမ်းက ၂ နှစ်ကနေ ၃ နှစ်အထိ ဖြစ်ပါတယ်။ ဒီလို စစ်မှုထမ်းဖို့အတွက် ကိုယ်တိုင် အာဏာပိုင်တွေထံကို စာရင်းပေးသွင်းရမှာ ဖြစ်ပါတယ်။ စစ်မှုထမ်းရေး စာရင်းပေးသွင်းဖို့ ပျက်ကွက်မယ် ဆိုရင်တော့ ထောင်ဒဏ် ၅ နှစ်ထိ ကျခံရမှာ ဖြစ်ပါတယ်။ (ကိုးကား - NHK)

Read more »

Monday 3 January 2011

ရသေ့တောင်မြို့နယ်မှ အသက် ၁၇ နှစ် အရွယ် မိန်းခလေး နှစ်ဦး ပြန်ပေးဆွဲခံရပြီး ဗလက္ကာရ ပြုကျင့်ခံရ

17:38

Vev Ottama Foundation

1/3/2011

ရခိုင်ပြည်နယ် ရသေ့တောင်မြို့နယ်မှ ကိုးတန်ကောက်ကျေးရွာမှ အသက် ၁၇ နှစ်အရွယ် မိန်းခလေး နှစ်ဦးမှာ မူဆလင် ကုလားများ၏ ပြန်ပေးဆွဲခံရပြီးနောက် ဗလက္ကာရ ပြုကျင်ခံရကြောင်း သတင်း ရရှိသည်။

ဗလက်ကာရ ပြုကျင့်ခံရသူ အမျိုးသမီးငယ် နှစ်ဦးမှာ ရသေ့တောင်မြို့နယ် တောင်ပိုင်း မေယူကမ်းတွင် တည်ရှိသော ကိုးတန်ကောက်ကျေးရွာမှ (ဘ) ဦးမောင်ကျော်ခိုင်သမီး ------------- ( ၁၇ နှစ်) နှင့် (ဘ) ဦးကျော်တင်မောင် သမီး ------------ (၁၇ နှစ်) တို့ဖြစ်ကြသည်။

ဖြစ်ပွားပုံနှင့် ပတ်သက်ပြီး မြင်းလွတ် နစက စခန်းမှ အရာရှိတစ်ဦးက ပြောကြားရာတွင် ဒီဇင်္ဘာလ ၁၉ ရက်နေ့က အဆိုပါ အမျိုးသမီးငယ် နှစ်ဦးမှာ အငုံမော် ကုန်တန်းကျေးရွာမှ သူမတို့နေထိုင်ရာ ကျေးရွာ ကိုးတန်ကောက်သို့ စပါးထည့်ရန် အိတ်ခွံများ ၀ယ်ယူ၍ လာစဉ် လမ်းတွင် ပြန်ပေးဆွဲခေါ် ခံရကြောင်း ပြောကြားသည်။

၎င်းပြင် အဆိုပါ နစက အရာရှိက “ ဒီအမူမှာ အဓိက တရားခံတွေ ဖြစ်ကြတဲ့ အာဘူယူနော့ ကျောက်ပန်းတူ ရယက အဖွဲ့ဝင်နဲ့ ကျန် ကျောက်ပန်းတူရွာက နုရ်အာလောင်နဲ့ ချုပ်ကူ သုံးဦးကို ဖမ်းဆီးထားပါတယ်။ အမူနဲ့ ပတ်သက်ပြီး စစ်ဆေးနေတုန်း ဖြစ်ပါတယ်။ ကျန်တဲ့ နှစ်ဦးကတော့ လွတ်နေပါတယ်။ တရားခံတွေ အကုန်လုံးက မောင်တောမြို့နယ် ကျောက်ပန်းတူ ကျေးရွာက ဖြစ်ကြပါတယ်” ဟု ပြောသည်။

အဆိုပါ အမျိုးသမီးငယ် နှစ်ဦှးမှာ ပြန်ပေးဆွဲခံရပြီး ၉ ရက်ခန့် အကြာ ဒီဇင်္ဘာလ ၂၉ ရက်နေ့က မောင်တောမြို့နယ် အလယ်သံကျော် တိုက်နယ်ဆေးရုံတွင် ဆေးစစ်ခဲ့ကြောင့် ဒေသခံများက ပြောသည်။

“ သူတို့ရဲ့ အမိအဖတွေနဲ့ အတူ ဆေးလာစစ်ကြပါတယ်။ မိန်ခလေးတွေက ငယ်ငယ်လေးဘဲ ရှိသေးပါတယ်။ ဆရာဝန်က ဘာပြောတယ်ဆိုတာတော့ ကျနော်တို့လည်း တိတိကျကျ မသိရသေးပါဘူး။ သူတို့က ရသေ့တောင်မြို့နယ်က ဖြစ်တဲ့ အတွက် သူမတို့ကို ဗလက္ကာရပြုကျင့်ခံရတဲ့ အချိန်က ၀တ်ထားတဲ့ အ၀တ်အစားတွေကို ရသေ့တောင်မြို့နယ်နဲ့ သက်ဆိုင်တဲ့အတွက် ရသေ့တောင်မှာ ဆက်လက် စစ်ဆေးဖို့ ညွန်ကြားတယ်လို့ ပြောပါတယ်” ဟု ဒေသခံ တစ်ဦးက ပြောသည်။

ဖြစ်ပျက်ပုံနှင့် ပတ်သက်ပြီး နိရဉ္စရာက ဆက်လက် စုံးစမ်းမေးမြန်းရာ ကိုးတန်ကောက်ကျေးရွာမှာ ရသေ့တောင်မြို့နယ်တွင် တည်ရှိသော်လည်း မောင်တောမြို့ နယ်တောင်ပိုင်းနှင့် ဆက်စပ် တည်ရှိသော ကျေးရွာ ဖြစ်ကြောင်း သိရသည်။

အခင်းဖြစ်ပွားသည့်နေ့က အဆိုပါ အမျိုးသမီးငယ် နှစ်ဦးမှာ အငုံမော်ကုန်တန်းမှ ညနေ ၄ နာရီတွင် စပါးထည့်ရန် စပါးခွံအိတ်များ ၀ယ်၍ ရွာသို့ ပြန်အလာ အငုံမော်ကုန်တန်းမှ မော်တော်ဆိုင်ကယ် ၅ စီးဖြင့် သူတို့နေထိုင်ရာ ကျောက်ပန်းတူ ပြန်လာသော မူဆလင် ၉ ဦးမှ လမ်းကြုံသဖြင့် လိုက်ပါရန် ခေါ်ဆောင်၍ အမျိုးသမီးငယ် နှစ်ဦးမှ ဆိုင်ကယ်တစီး၏ နောက်တွင် တက်၍ လိုက်ပါလာရာ နေ၀င်ရီ တရိုးအချိန်တွင် သူမတို့ နေထိုင်ရာ ကိုးတန်ကောက်ကျေးရွာသို့ ရောက်ရှိကြောင်း၊ သို့သော်လည်း ဆိုင်ကယ်မောင်းသူ ရယက အဖွဲ့ဝင် အာဘူယူနော့မှ ဆိုင်ကယ်ကို မရပ်နားဘဲ အမြန်မောင်းချသွားရာ နေ၀င်ချိန်တွင် ကျောက်ပန်းတူ ကျေးရွာနားသို့ ရောက်ရှိပြီး အနီးအနားက တောအုပ်တစ်ခုကို ဆိုင်ကယ်ကို မောင်းချသွားကာ တခြားဆိုင်ကယ် တစီးမှ မူဆလင် နှစ်ဦးပေါင်း သုံးဦးက ဗလက္ကာရ ပြုကျင့်ခဲ့သည်ဟု သိရသည်။ ဆိုင်ကယ်ဖြင့်လာသူ ကိုးဦးထဲတွင် ၆ ဦးမှာ တစုံတရာ စော်ကားရာတွင် မပါဝင်ခဲ့ကြောင်း သိရသည်။

အဆိုပါ အမျိုးသမီးငယ် နှစ်ဦးအား ၂ရက်တိုင် ဗလက္ကာရပြုကျင့်ပြီး နောက်ပိုင်းတွင် မေယူတောင်ကို ကျော်ပြီး ရသေ့တောင်မြို့နယ် အတွင်းပို့ပေးခဲ့သည်ဟု သိရသည်။ အဆိုပါ အဖြစ်အပျက် ဖြစ်ပွားပြီးနောက် အခင်း ဖြစ်ပွားရာတွင် ပါဝင်သူ နုရ်အာလောင်မှ အဆိုပါ ဖြစ်စဉ်ကို ဟုတ်မှန်ကြောင်း ပြောဆိုသော်လည်း ဗလက္ကာရ ပြုကျင့်ရာတွင် သူအနေနှင့် မပါဝင်ကြောင်း ပြောကြားသည်ဟု သိရသည်။

သို့သော်လည်း အခင်း ဖြစ်ပွားရာတွင် ပါဝင်သူ သုံးဦးစလုံးကို ဖမ်းဆီးထားပြီး ကျန်လူများမှာ လွတ်မြောက် နေဆဲ ဖြစ်ကြောင်း သိရသည်။ အဘူယော့နော့မှာ ကျေးရွာ ရယက လူကြီး ဖြစ်ပြီး သူကို ယုံကြည်၍ ဆိုင်ကယ် နောက်မှ လိုက်ပါလာရာမှ အမျိုးသမီးငယ် နှစ်ဦးမှာ ယခုကဲ့သို့ အဖြစ်ဆိုးနှင့် ကြုံရခြင်း ဖြစ်ကြောင်း သိရသည်။

(အမျိုးသမီးငယ် ၂ ဦးအမည်အား မလိုအပ်သဖြင့် မဖေါ်ပြလိုက်တော့ပါ။ လိုအပ်သူများရှိပါက အီးမေးလ်မှ တဆင့် တောင်းယူနိုင်ပါသည်။)

(နိရဉ္စရာ သတင်း)

Read more »

ဂီရိလေဘေးသင့် ဒေသမှ ကလေးများကို စစ်သားအဖြစ် စုဆောင်းနေ

17:35

Vev Ottama Foundation

1/3/2011

ရခိုင်ပြည်နယ် မြေပုံမြို့နယ် ဂီရိလဘေးသင့် ဒေသများမှ အသက်အရွယ် မပြည့်သူ ကလေးငယ်များကို စစ်သား အဖြစ် စုဆောင်းနေကြောင်း သတင်း ရရှိသည်။
လေဘေးသင့် ဒေသများတွင် စားဝတ်နေရေး အဆင်မပြေမူကြောင့် စစ်သားများ စုဆောင်းရ အထူး လွယ်ကူနေရာ ထိုအထဲတွင် အသက်မပြည့်သူ ကလေးငယ်များကိုလည်း စုဆောင်းနေကြောင်း ကျေးရွာသားများနှင့် လေဘေး ကယ်ဆယ်ရေး လုပ်နေသူများက ပြောသည်။

“ အခု သူတို့ စုဆောင်းနေတာက မြေပုံမြို့ကနေ မိုင် ၅၀ အကွာမှာ ရှိတဲ့ ရက်ချောင်းအုပ်စု၊ ရေချိန် ကျေးရွာ အုပ်စု၊ မိုးသီးနတ်တောင် အုပ်စုတွေမှာ ကလေးငယ်တွေကို စစ်သား အဖြစ် စစ်တပ်က စုဆောင်းနေပါတယ်။ စကခ ၅ က ဗိုလ်သူကြီး အောင်သူငြိမ်းက စုဆောင်းနေတာ ဖြစ်ပါတယ်” ဟု လေဘေး ကယ်ဆယ်ရေး လုပ်နေသူ တစ်ဦးက ပြောသည်။

ဒီဇင်္ဘာလ ၁၆ ရက်နေ့က မြေပုံမြို့နယ် ရက်ချောင်းရွာ၊ ကယုချောင်း ကျေးရွာ အုပ်စုမှ ဦးလှမောင်၏သား မောင်ခင်ဇော် (ခ) ဖိုးမောင်ချေ (၁၇ နှစ်) အား တိုင်းဗဟို လေ့ကျင့်ရေး ၉ သို့ ခေါ်ဆောင်သွားပြီး အ၀ါကျွန်းစု ကျေးရွာမှ ဦးဝေကျန်အောင်သား မင်းနိုင် (၁၆ နှစ်)ကိုလည်း စစ်တပ်ထဲသို့ ခေါ်ဆောင်သွားကြောင်း သိရသည်။

မြေပုံမြို့နယ် ၀ါးခုတ်ချောင်း ဘုန်းတော်ကြီး ပညာသင်ကျောင်းမှ အသက် ၁၆ နှစ် အရွယ် ကလေးငယ် တစ်ဦးအား စစ်တပ်ထဲသို့ ဆွဲခေါ်သွားပြီး ပသုံကျေးရွာမှ အသက် ၁၆ နှစ်သာ ရှိသေးသော ဦးကျော်သိန်းချေ၏ သားလတ် မောင်စိုးစိုးကိုအား တပ်ကြပ် စိုးလှမှ ခေါ်ဆောင်သွားကြောင်း သိရသည်။

“ အခု ကျနော်တို့ သိရသလောက် အဲဒီအုပ်စုတွေမှာ လူငယ် ၃၀ ခန့်ကို စစ်သား အဖြစ် စုဆောင်းလို့ ရသွားတယ်လို့ သိရပါတယ်။ သူတို့ကို ကားနဲ့ တိုင်းဗဟိုလေ့ကျင့်ရေး ၉ ကိုခေါ်သွားတယ်လို့ သိရတယ်။ အများစုက အသက် မပြည့်တဲ့ ကလေးငယ်တွေ ဖြစ်ကြတယ်လို့ ပြောကြပါတယ်။ မိသားစုတွေကလည်း သဘော မတူကြဘူးလို့ ဆိုပါတယ်။ နောက်ဆုံးသတင်းရတာက တိုင်းဗဟို ၉ မှာတောင် မထားဘဲ အခု ကလေးတွေကို အနောက်ပိုင်း စစ်ဌာနချုပ်ကို ယူသွားတယ်လို့ ကြားရပါတယ်” ဟု သူက ဆက်ပြောသည်။

အမည်မဖေါ်လိုသူ ဦးဇင်း တစ်ပါးကလည်း “ သူက ဗုဒ္ဓဘာသာဆိုပေမယ့် နေ့တိုင်း အရက်သောက်ကြတယ်။ အချင်းချင်း ရန်ဖြစ်ကြတယ်။ လာရင် ကျောင်းမှာ တည်းခိုတယ်။ ကျောင်းဝင်းထဲမှာ ခလေးတွေကို သေနတ်တွေ ပစ်ပြတယ်။ တချို့ဆိုရင် သေနတ်တွေ ပေးကိုင်ခိုင်းတယ်။ စစ်တပ်ထဲကို ၀င်ချင်လာအောင် စည်းရုံးတာပေါ့။ စစ်သားတွေနဲ့ နေရတော့ အစားအသောက်ကလည်း မငတ်၊ သုံးရ စားရတယ်ဆိုတော့ နောက်ဆုံးတော့ တပ်ထဲ ပါသွားတော့တာပါဘဲ တကာကြီး” ဟု ပြောသည်။

မိဖများမှာ သားသမီးများကို စစ်တပ်ထဲသို့ မ၀င်ရန် တားမြစ်ချင်ကြသော်လည်း မတားမြစ်ရဲကြကြောင်း၊ အများစုမှာ ကျေးလက်နေ တောသူ တောင်သားများ ဖြစ်ကြပြီး ဆင်းရဲနွမ်းပါးသူများ ဖြစ်ကြသဖြင့် စစ်သားများကို စကားပင် မပြောရဲကြကြောင်း၊ တချို့ ကလေးငယ်များမှာ ရှင်မပြုရဘဲ စစ်တပ်ထဲသို့ ၀င်ရောက်သွားကြကြောင်း အဆိုပါ ဦးဇင်းမှ ပြောသည်။

မုန်တိုင်းသင့် ဒေသများတွင် မုန်တိုင်းပြီးနောက် ပြည်သူများ စားဝတ်နေရေး အဆင်မပြေကြသဖြင့် ကလေးငယ်များကို စစ်သားစုဆောင်းရသည်မှာ အလွန်လွယ်ကူနေပြီး စစ်သားစုဆောင်းရေး တပ်မှ စစ်သားများမှာ တရွာဝင် တရွာထွက် လှည့်လည် သွားလာနေကြသည်ဟု သိရသည်။

မြေပုံမြို့နယ်မှ မုန်တိုင်းသင့် ဒေသများတွင် စစ်တပ်များကို ဖြန့်ကျက်ချထားပြီး အဆိုပါ စစ်သားများက ကျေးရွာများမှ လူငယ်များကို စည်းရုံးကာ စစ်တပ်ထဲ အတင်း ၀င်ခိုင်းနေခြင်း ဖြစ်သည်။

: ----------------------------------- ----------------------------------- ----------------------------------- :

(နိရဉ္စရာ သတင်း။)

Read more »

၂၂၆ နှစ်မြောက် ရခိုင်ဘုရင့်နိုင်ငံတော် အချုပ်အခြာအာဏာ ကျဆုံးနေ့  ပြုလုပ်

17:33

Vev Ottama Foundation

31 Dec 2010

၂၂၆ နှစ်မြောက် ရခိုင်ဘုရင့်နိုင်ငံတော် အချုပ်အခြာအာဏာ ကျဆုံးနေ့  ၀မ်းနည်းအောက်မိဖွယ်အခမ်းအနားတရပ်ကို ၃၁ ဒီဇင်ဘာလ ၂၀၁၀ နေ့ က မဲဆောက်မြို့ ရွှေသဇင်ကျောင်းတွင်ပြုလုပ်ခဲ့ပါသည်။ ရခိုင်နိုင်ငံသည် အချုပ်အခြာအာဏာပိုင်အနေဖြင့် နှစ်ပေါင်း(၅၀၀၀)ကျော်ကြာ တည်တံ့ခိုင်မြဲခဲ့ပြီး
၁၇၈၄ - ခု ဒီဇင်ဘာလ(၃၁)ရက်နေ့ တွင် ဗမာပဒေသရာဇ် နယ်ချဲ့ များက မတရားကျူးကျော်သိမ်းပိုက်မှုကြောင့် ဗမာပဒေသရာဇ် နယ်ချဲ့ လက်အောက်သို့ ကျရောက်ခဲ့ပါသည်။ ယနေ့ ဒီဇင်ဘာ ၃၁ ရက်နေ့ သည် ရခိုင်တမျိုးသားလုံး၏ ၀မ်းနည်းကြေကွဲဖွယ်ရာဖြစ်သော ကျွှန်ဘ၀ကို ကျရောက်ခဲ့သည်မှာ ၂၂၆ နှစ်ပင် ပြည့်ခဲ့ပြီဖြစ်ပါသည်။ ထို့ အတွက်ကြောင့် ဤအခမ်းအနားကျင်းပရခြင်းမှာ

ပြည်ပရောက်ရခိုင်သူ/သားများရခိုင့်ဘုရင်နိုင်ငံတော်အချုပ်အခြာအာဏာကျဆုံးနိန့် အကြောင်းသိရှိစေရေန်။
ရခိုင်တမျိုးသားလုံး မျိုးချစ်စိတ်ဓါတ်နိုးကြားပြီး အမျိုးသားရေးကို ပိုမိုပူးပေါင်းဆောင်ရွက်လာစေရန်။
ရခိုင်တမျိုးသားလုံး အချင်းချင်းပိုမိုစည်းလုံးညီညွတ်မှုရရှိရန်။
ကိုယ့်ကံကြမ္မာကိုယ် ဖန်တီးခွင့်နှင့် ကိုယ်ပိုင်ပြဌာန်းခွင့်ရရှိရန်။ ဖြစ်ပါသည်။ အခမ်းအနားကို မဲဆောက်ရောက် ရခိုင်သူ/သားများ 160 ခန့် တက်ရောက်ကြပြီး ရခိုင်သမိုင်းကြောင်းများနှင့် လက်ရှိအခြေအနေရခိုင်ဘ၀များအကြောင်းကို ဟောပြောကြပါသည်။

ညနေပိုင်းတွင် ကိုထက်ခေါင် မှ ဦးဆောင်ပြီး ရခိုင်အလုပ်သမားများတွေ့ ဆုံဆွေးနွေးပွဲ စကားဝိုင်းတရပ်ကို ပြုလုပ်ခဲ့ပါသည်။ ဆွေးနွေးချက်များမှာ မဲဆောက်ရောက် ရခိုင်အလုပ်သမားအခြေအနေများ ။ အလုပ်သမားအခွင့်အရေး၊ ကျန်းမာရေးဆိုင်ရာကိစ္စရပ်များကို ဆွေးနွေးကာ Arakan Labour Network တခုကို ကျစ်လစ်ခိုင်စွာလုပ်ဆောင်သွားနိုင်ရန်လည်း အဓိကထားဆွေးနွေးခဲ့ကြပါသည်။

Arakan Labour Network ရခိုင်အလုပ်သမားရေးရာ ပူးပေါင်းဆောင်ရွက်မှုအဖွဲ့  တွင် ပါဝင်သောအဖွဲ့ များမှာ
ALC - Arakan Labour Campaign
VOF- Ven Ottama Foundation
AWU - Arakan Worker Union
RWU - Rakhine Women Union (Mae Sot branch)
အလုပ်သမားခေါင်းဆောင်များ
ကျောင်းဆရာများ ဖြစ်သည်

Read more »